Бүгін Премьер-Министрдің орынбасары - Қаржы министрі Ерұлан Жамаубаев Парламент Мәжілісінде трансферттік баға белгілеу бойынша бақылауды күшейту жөніндегі «Трансферттік баға белгілеу мәселелері бойынша кейбір заңнамалық актілерге өзгерістер мен толықтырулар енгізу туралы» ҚР Заңын ұсынды.

Өз сөзінде ол Мемлекет басшысының трансферттік баға белгілеу бойынша бақылауды күшейту жөніндегі тапсырмасына сәйкес, заңға тиісті түзетулердің жобасы әзірленетіндігін жеткізді.

Атап айтқанда, нарықтық бағаны анықтау әдістерін қолдануды жетілдіру, нарықтық диапазонды айқындау тетігін енгізу, капиталды шығаруға бақылауды күшейту мақсатында тараптардың өзара байланыстылығын айқындауды кеңейту, сондай-ақ, тауар биржаларында жасалған мәмілелердің трансферттік баға белгілеуі бойынша бақылау жүргізу және есептілікке қойылатын талаптарды өзгерту.

Мәселен, қазіргі уақытта заңда нарықтық бағаны анықтау әдісінің 5 иерархиясы қарастырылған. Осыған орай, халықаралық мәмілелердің сипатын ескеріп, нақты қай әдісті қолдану керектігі анықталады. Заң жобасында айқындау тетігін енгізу неғұрлым әділ бағаларды белгілеу мақсатында диапазонды тарылту ұсынылады. Капиталды шығаруға бақылауды күшейту мақсатында өзара байланысты тараптар ұғымын кеңейту ұсынылады. Заңнан осы аталған норманы алып тастау ұсынылады - Тауар биржаларында жасалған мәмілелердің трансферттік баға белгілеуі бойынша бақылау жүргізу мәселесі. Есептілікке қойылатын талаптарды жетілдіру мәселесі бойынша Заң жобасымен жергілікті есептілікті ұсыну міндеті өзара байланысты бейрезидент-тұлғалармен мәмілелерді жүзеге асыратын салық төлеушілерге жүктеу ұсынылады.

Тиісті түзетулердің бұл жобасы Экономкалық ынтымақтастық және даму ұйымының сарапшыларымен алдын-ала пысықталып, қолдау тапты.

Сөз соңында Ерұлан Жамаубаев аталған түзетулер әлемдік және отандық тәжірибені ескере отырып әзірленгендігін, сондай-ақ, халықаралық операциялардан мемлекетке түсетін кірістерді ұлғайтуға мүмкіндік беретіндігін айтты.

• 13.12.2023
• 203