Бүгін Премьер-Министрдің орынбасары - Қаржы министрі Ерұлан Жамаубаев Парламент Мәжілісінде «2014 жылғы 29 мамырдағы Еуразиялық экономикалық одақ туралы шартқа Қырғыз Республикасының қосылуына байланысты Қырғыз Республикасының 2014 жылғы 29 мамырдағы Еуразиялық экономикалық одақ туралы шартты, Еуразиялық экономикалық одақтың құқығына кіретін жекелеген халықаралық шарттарды және Еуразиялық экономикалық одақ органдарының актілерін қолдануы жөніндегі жағдайлар мен өтпелі ережелер туралы 2015 жылғы 8 мамырда қол қойылған хаттамаға өзгеріс енгізу туралы хаттаманы ратификациялау туралы» Қазақстан Республикасы Заңының жобасын ұсынды.

Өз сөзінде ол Хаттаманың мақсаты Қырғыз Республикасы Еуразиялық экономикалық одаққа өзінің қосылуы жөніндегі өтпелі ережелерге сәйкес, 24 ай ішінде одақтың кедендік шекарасындағы Қырғыз Республикасының барлық өткізу пункттерін жайластыруды және материалдық-техникалық жарақтандыруды қамтамасыз етуді өз міндетіне алды.
Мәселен, 2023 жылғы 25 мамырда Мәскеу қаласында Мемлекет басшылары Жоғары Еуразиялық экономикалық кеңестің отырысы шеңберінде төртінші рет «96 айдан» «108 айға» өзгеріс енгізу туралы хаттамаға қол қойды.
Қазіргі таңда 13 өткізу пункті толығымен жаңғыртылды.
Сөз соңында Ерұлан Жамаубаев осы Хаттаманы ратификациялау біздің еліміз үшін әлеуметтік-экономикалық және құқықтық салдарға әкеп соқпайтындығын және республикалық бюджеттен қаражат бөлуді талап етпейтіндігін жеткізді.

• 13.12.2023
• 195