Өнер қалаларды біріктіреді: Алматыдағы Әуезов театрының әртістері Ақтауда өнер көрсетті

Мұхтар Әуезов атындағы Қазақ Ұлттық академиялық драма театры Маңғыстау облысына сапары аясында көрермендерді «Қыз Жібек» музыкалық драмасымен таң қалдырды, деп хабарлайды Маңғыстау облысы әкімінің баспасөз қызметі.

Театрдың гастрольдік сапары 10 желтоқсанда Абайдың «Қара» философиялық драмасынан басталып, «Бес бойдаққа бір той» комедиясымен және «Қоштасқым келмейді» драмасымен жалғасты. Театрдың өңірдегі іс сапарының нүктесін Ғабит Мүсіреповтің «Қыз Жібек» музыкалық драмасы қойды. Әртістер көрермендерге театрдың таңғажайып эмоцияларын сыйлап, музыкалық әсемдікке толы қойылым тарту етті.

Облысқа гастроль аясында Мұхтар Әуезов атындағы қазақ Ұлттық драма театрының директоры, Қазақстанның еңбек сіңірген қайраткері -Еркін Тілеуқұлұлы, театрдың көркемдік жетекшісі, Қазақстанның Еңбек ері , КСРО Халық артисі -Асанәлі Әшімов,
актерлер Қазақстанның еңбек сіңірген қайраткері -Бекжан Тұрыс пен
Қазақстанның еңбек сіңірген қайраткері- Шынар Асқарова сияқты үлкен театр ұжымы қатысты.

-Мұхтар Әуезов атындағы академиялық театрдың құрметті және теңдесі жоқ шығармашылық ұжымы, Сіздің өнеріңіз соңғы бірнеше күнде Маңғыстау тұрғындарының жүрегін өнермен тебірентті. Сіздер қазақ театр мәдениетінің мәңгілік классикаларына айналған спектакльдер көрсеттіңіздер. Театр актерлері көрермендерді спектакль атмосферасына терең үңілте отырып, өздерінің жоғары шеберліктерін тағы да көрсетті. Олар бізді қуаныш пен бақыт, қайғы мен мұң сияқты адами сезімдерді көрсетті. Сіздердің театр ұжымыңыз бен сахнадағы актерлік шеберліктеріңіз көрерменнің жүрегінде өшпес із қалдырды. Сіздерге барлық қала тұрғындары мен қонақтарының атынан осындай керемет қойылымдар үшін зор алғысымды білдіремін - деп атап өтті Нұрлан Ноғаев.

• 14.12.2023
• 234