Тарифтік реттеуші тұтынушылардың қоғамдық қабылдауын өткізді

Бүгін ҚР ҰЭМ Табиғи монополияларды реттеу комитеті коммуналдық қызметтердің тұтынушылары үшін кезекті қоғамдық қабылдау өткізді.

Қоғамдық қабылдау Facebook арқылы онлайн режимде трансляцияланды.

Осындай қоғамдық қабылдаулар ведомствоның барлық өңірлік бөлімшелерімен өткізілді.

Қоғамдық қабылдау ведомствоның төрағасының орынбасары Нұрлан Болатбаевтың төрағалығымен және салалық басқармалары басшыларының қатысуымен өтті.

Қызметкерлер сумен жабдықтау, су бұру қызметтеріне тарифтердің қалай қалыптасатынын, сондай-ақ ТМС-ның қанша өтінімі уәкілетті органда қаралуда жатқаны туралы айтып берді.

Электрмен жабдықтау саласындағы уақытша өтемдік тарифтер, сондай-ақ электр желілеріндегі тозуды азайтуға тартылған инвестициялар туралы Электрмен жабдықтау саласындағы реттеу саласындағы басқарма басшысы айтып берді.

Қабылдау барысында жеке есепке алу аспаптары бойынша жылу энергиясы үшін ақы алу қағидаларын қабылдау, ТМС-ның инвестициялық бағдарламаларының орындалуы бойынша қоғамдық мониторингтер және басқа да мәселелерге қатысты сұрақтар келіп түсті.

Бірде-бір сұрақ жауапсыз қалған жоқ.

• 21.12.2023
• 128