50 жас кәсіпкер Қарағанды облысы әкімінің грантын алды

Аймағымызда жыл соңында жас кәсіпкерлерге гранттарды беру игі дәстүрге айналды. 

Биылғы жылы 50 адам грантқа ие болды. Жастар инсульттан кейін және тірек-қимыл аппараты  зақымдалған адамдарға арналған сауықтыру орталығы, бояу цехы, рольштор тігу және жалюзи жасау салоны, қыш бұйымдары шеберханасы, спорттық би және гимнастика мектебі, синтетикалық жуғыш заттар, термопанельдер өндірісі және басқа да әлеуметтік идеяларға негізделген жобаларды ұсынды.    

Грант алу - өз ісіңізді бастауға, қажетті дағдылар мен білімді алуға жақсы мүмкіндік. Осы орайда жастарымызға табысты жұмыс тілеймін. Сіздердің бизнестеріңіз қоғамға пайда әкелетініне сенімдімін. 

Сондай-ақ бүгін Теміртауда Жастар үйі ашылды. Жайлы және кең ғимаратта жастар бос уақыттарын тиімді өткізе алатын болады.

• 23.12.2023
• 217