Маңғыстауда Президенттік шырша өтті

Ақтауда дәстүрлі президенттік шырша өтті. Салтанатты іс-шараға 250 бала, оның ішінде жетім балалар, ата-анасының қамқорлығынсыз қалған балалар, аз қамтылған және көп балалы отбасылардан шыққан балалар, ерекше білім беру қажеттіліктері бар балалар, сондай-ақ оқуда, спортта және шығармашылықта жетістікке жеткен дарынды балалар шақырылды, деп хабарлайды Маңғыстау облысы әкімінің баспасөз қызметі.

Мемлекет басшысы Қасым-Жомарт Тоқаевтың атынан шырша қонақтарын аймақ басшысы Нұрлан Ноғаев құттықтап, зор денсаулық, табыс және жаңа жылда барлық тілектерінің орындалуын тіледі.

Мерекелік шараның ажырамас бөлігі Аяз Ата, Ақшақар және 2024 жылдың символы – ұлудың қатысуымен хореографиялық қойылым болды. Сондай-ақ, ән бен би және шыршаның жаңа жылдық шамдарын жағу рәсімі өтті. 

Мерекелік қойылым бағдарламасында сонымен қатар аймақтың шығармашылық ұжымдарының музыкалық шоуы болды.

- Жаңа жылдық президенттік шыршаға қош келдіңіздер! Жаңа жыл-бұл бәріміздің алдағы жылға деген үмітпен, қуанышпен және үлкен сеніммен қарайтын уақыт. Біз осы ерекше сәтті бірге бөлісу үшін осында жиналдық. Жарқын қойылымдар мен талантты шығармашылық нөмірлер-біздің іс-шарамызды одан да жарқын етті. Сол үшін барлықтарыңызға алғыс айтамын. Барлығын келе жатқан Жаңа жылмен құттықтаймын! Жаңа жыл сіздердің өмірлеріңізге көптеген жарқын сәттер әкелсін, - деп атап өтті Нұрлан Ноғаев. 

Айта кетейік, 5-24 желтоқсан аралығында «Балдәурен» республикалық оқу-сауықтыру орталығында өткен жаңа жылдық карнавалға біздің өңірден 12 дарынды оқушы - республикалық және облыстық конкурстардың жеңімпаздары жіберілді.

Айта кетейік, Маңғыстау облысынан бес бала Астанада 29 желтоқсанға жоспарланған «Жаңа жыл Республика төрінде» республикалық Жаңа жылдық шыршасына қатысады.

Іс-шара соңында барлық балалар Қазақстан Республикасы Президентінің атынан жаңа жылдық сыйлықтар алды.

• 25.12.2023
• 181