Қазақстан мен Халықаралық қаржы корпорациясы арасындағы келісім жаңа инвестицияларды тартуға ықпал етеді

Сенаттың пленарлық отырысында Қазақстан Республикасы Ұлттық экономика министрі Әсет Ерғалиев баяндама жасап, «Қазақстан Республикасы мен Халықаралық қаржы корпорациясы арасындағы Қазақстан Республикасында офистер құру және олардың қызметі туралы келісімді ратификациялау туралы» заң жобасын таныстырды.

Келісім Халықаралық қаржы корпорациясы офисі қызметінің негізгі ережелерін, сондай-ақ қызметкерлер үшін артықшылықтар мен иммунитеттерді белгілейд.

Келісімге 2020 жылғы 28 қаңтарда Нұр-Сұлтан қаласында қол қойылды.

Халықаралық қаржы корпорациясы 1956 жылы құрылған және ірі халықаралық даму институты болып табылады.

Негізгі қызмет жеке сектордың дамуына жәрдемдесуге бағытталған.

Халықаралық Қаржы Корпорациясы Дүниежүзілік банк тобының құрамына кіреді. 104 елде кеңселері бар. Сонымен бірге, өңірлік офистер әлемнің тек 13 қаласында, оның ішінде Алматыда орналасқан.

Халықаралық қаржы корпорациясы Қазақстанда өз қызметін 1994 жылдан бастап жүзеге асыруда. Осы кезеңнен бастап, 1.6 миллиард АҚШ доллары көлеміндегі жобалар қаржыландырылды. Бұл Орталық Азия елдеріне салынған инвестициялардың жалпы көлемінің 70%-ын құрайды. Аталған Келісім Халықаралық қаржы корпорациясының қазақстандық офисінің орнықты жұмыс істеуіне және жаңа инвестициялар тартуға ықпал етеді.

Халықаралық қаржы корпорациясы елімізде 77 жобаны қаржыландырды. Оның ішінде, мұнай-газ, тау-кен, өңдеу, ауыл шаруашылығы және логистика салалары бар. Келешекте Корпорация экономиканы дамытуға 1.7 млрд. доллар инвестиция салады. Жобалар, оның ішінде инфрақұрылым және ауыл шаруашылығын дамытуға арналады.

• 27.01.2021
• 253