ҚР Энергетика вице-министрі Ерлан Ақкенженов Шымкент қаласының тұрғындарымен кездесу өткізді

2023 жылғы 26 желтоқсанда ҚР Энергетика вице-министрі Ерлан Ақкенженов Шымкент қаласының тұрғындарымен кездесу өткізді, оның барысында тұрғындарды отын-энергетика кешенінде іске асырылып жатқан жобалар туралы хабардар етіп, өңір тұрғындарын толғандыратын сұрақтарға жауап берді.

Бүгінгі таңда Қалада электр және жылу энергиясының негізгі көзі «3-Энергоорталық» АҚ болып табылады, оның белгіленген электр қуаты 160 МВт, жылу қуаты 540 Гкал, жабдықтың физикалық тозуы 65%-ды құрайды.

Ағымдағы жылдың 11 айында өңірде электр энергиясын өндіру көлемі 1,8 млрд. кВтсағ. құрады. Бұл ретте өңірдің тұтынуы 6,2 млрд. кВт сағ. құрайды.

Қаланың даму перспективаларын ескере отырып, 2023-2025 жылдарға арналған бюджеттік бағдарлама шеңберінде 4,6 млрд теңге сомасында «Шымкент қаласының Ынтымақ шағын ауданында 110/35/10 кВ КС және 110 кВ электр желілерін салу» жаңа жобасын іске асыру көзделген.

Аталған жоба Ынтымақ, Батыс, Солтүстік саяжай, Жаңатұрлан, Темірші әулие шағын аудандарының 45 мыңға жуық тұрғыны және Шымкент қаласының солтүстік-батыс бөлігіндегі жаңа әуежай терминалы үздіксіз электрмен жабдықтау қамтамасыз етуге мүмкіндік береді.

Шымкент қаласында газдандыру деңгейі еліміз бойынша жоғары көрсеткіштердің бірі болып табылады және 94,2% -ды құрайды немесе 1,1 млн адам табиғи газға қол жеткізе алады.

2023 жылы республикалық бюджеттен 3 жобаны іске асыруға 2,7 млрд теңге бөлінді, бұл халық саны 26 мың адам болатын «Солтүстік Саяжай» ш/а газбен қамтамасыз етуге мүмкіндік берді. Сондай-ақ, 2024 жылға тағы 3 жобаны іске асыруға 6,2 млрд теңге қарастырылған.

Жобаларды іске асыру нәтижесінде 63 мыңнан астам халқы бар «Қайнарбұлақ» тұрғын алабы табиғи газға қол жеткізе алады.

Шымкент қаласына жұмыс сапары аясында вице-министр Е. Ақкенженов «3-Энергоорталық» АҚ-ның ЖЭО-3 болып, өңірдегі жылыту маусымының өтуімен танысты. Энерго кәсіпорны басшылығының ақпаратына сәйкес, Шымкент қаласында жылыту маусымы тұрақты өтуде.

Есептік кездесуден кейін вице-министр азаматтарды жеке қабылдады, оның аясында тұрғындар өздерін қызықтырған сұрақтарға толық жауап ала алды.

• 26.12.2023
• 149