«Каспий» ӘКК» АҚ-да директорлар кеңесінің кезекті отырысы өтті

Өңір басшысы Нұрлан Ноғаевтың басшылығымен 25 желтоқсанда «Каспий» ӘКК» АҚ директорлар кеңесінің отырысы өтті. Талқылаудың негізгі мәселелері кәсіпорынның 2024-2028 жылдарға арналған даму жоспары, сондай-ақ ағымдағы инвестициялық жобалар туралы есептер болды, деп хабарлайды Маңғыстау облысы әкімінің баспасөз қызметі.

Кеңесте келесі сұрақтар қаралды:

◾️ «Каспий» ӘКК» АҚ-ның 2019-2023 жылдарға арналған даму жоспарын іске асыруды нақтылау.
◾️ «Каспий» ӘКК» АҚ-ның 2024-2028 жылдарға арналған даму жоспарын бекіту.
◾️ Директорлар кеңесінің 2023 жылғы шешімдерінің орындалуы туралы ақпарат.
◾️ «Каспий» ӘКК» АҚ-ның 2023 жылғы инвестициялық қызметінің мониторингі.
◾️ Облыс орталығынан Мұнайлы ауданына қоғамдық көлікті жаңарту үшін 20 автобус сатып алуға қаржы лизингі шартын жасасу арқылы кәсіпорынның міндеттемелерін ұлғайту жөніндегі мәмілені мақұлдау. Сондай-ақ ірі мәміленің қорытындысы бекітілді.

Облыс әкімі Нұрлан Ноғаев «Каспий» ӘКК» АҚ-ның басым міндеттері өңірді дамыту және инвестициялар тарту мен түрлі жобаларды жүзеге асыру арқылы тұрғындардың әл-ауқатын арттыру болып табылатынын атап өтті.

- Әлеуметтік-кәсіпкерлік корпорациялар (ӘКК) - бұл тауарлар мен қызметтерді сатудан пайда табу мақсатында бизнеспен айналысатын маңызды құрылымдар. Дәл осы тұрғыда әлеуметтік-кәсіпкерлік корпорациялар маңызды рөл атқарады. Бірақ, ең бастысы, ӘКК мен коммерциялық корпорациялардың басты айырмашылығы - алынған қаражат біздің халқымыздың пайдасына әлеуметтік және экономикалық міндеттерді іске асыру үшін қайта инвестицияланады, - деп атап өтті Нұрлан Ноғаев.

Кеңес қорытындысы бойынша «Каспий ӘКК» АҚ» облыстық басқармалармен және коммуналдық қызметтермен бірлескен жұмыс жүргізу тапсырылды.

• 26.12.2023
• 167