ҚАЖ мекемелеріндегі санитариялық-эпидемиологиялық шаралардың ағымдағы жағдайы

Қазақстан Республикасының халқы арасында COVID-19 вирусының жаппай таралуы себебінен елдің Қылмыстық-атқару жүйесі мекемелерінің аумағында өткен жылдың наурыз айынан бастап санитариялық-профилактикалық және шектеу іс-шаралары кешені жүргізілуде.

Осыған байланысты ұзақ және қысқа мерзімді кездесулер тоқтатылды. ҚР Қылмыстық-атқару кодексі шеңберінде 7 ай бойы ҚАЖ мекемелерінің әкімшілігі сотталғандардың өз туыстарымен байланысын қолдайтын телефонмен сөйлесулерді және бейне байланыстарды ұйымдастыруда.

2020 жылдың қыркүйек айының басында, ҚР Бас мемлекеттік санитариялық дәрігерінің 2020 жылғы 20 тамыздағы №49 карантиндік шараларды кезең-кезеңімен жеңілдету жөніндегі қаулысына сәйкес біз Шымкент қаласының мекемелерінен басқа барлық өңірлерде ұзақ және қысқа мерзімді кездесулерге рұқсат беруді қайта бастадық, себебі Шымкент қаласының бас санитариялық дәрігері карантиндік шараларды тоқтатқан жоқ.

Бұл режим бірқатар облыстарда COVID-19 аурушаңдығының қайта өсуіне дейін екі ай бойы ҚАЖ мекемелерінде қолданылды. Халық арасында жұқтырған азаматтардың саны күрт өсіп, бұл арнайы контингент пен жеке құрамның денсаулығына қауіп төндірді. Осы себепті, 2020 жылғы 10 қарашада бірқатар шектеу және алдын алу шараларын енгізу туралы шешім қабылданды. Бұл шаралар Бас мемлекеттік санитариялық дәрігерінің 2020 жылғы 23 қазандағы №57 қаулысының 20-тармағының негізінде қабылданды, оған сәйкес ішкі істер органдарының құрылымдық бөлімшелерінің басшылары қалыптасқан эпидемиологиялық жағдайға байланысты карантиндік шараларды қатаңдату туралы шешім қабылдауға уәкілетті.

Бүгінгі күні барлық мекемелерде тұмау белгілері болғанымен коронавирустық инфекцияға күдікті адамдарды емдеуге жатқызуға арналған үй-жайлар бар.

Гигиена ережелерін қатаң сақтау қажеттілігі (бет пен қолды сабынмен жиі жуу, басқалардан қашықтықты сақтау, жөтелу және түшкіру кезінде орамал немесе жеңді пайдалану) және КВИ белгілері болған кезде медициналық бөлімге уақтылы жүгіну туралы түсіндіру жұмыстары тұрақты негізде жүргізіледі.

Сондай-ақ мекемелердің барлық үй-жайларында инфекциялық бақылау шаралары күшейтілді. Инфекцияның әкелінуіне жол бермеу мақсатында термометр орнатылған, онда күн сайын мекеменің барлық қызметкерлері мен персоналына термометрия жүргізіледі.

Бұдан басқа, ҚАЖ мекемелерінде ұсталатын барлық қызметкерлер мен адамдар жеке қорғану құралдарымен қамтамасыз етілген және маска кию режимін сақтауда. Вирустың таралуын болдырмау мақсатында ҚАЖ жеке құрамы мерзімді түрде ПТР әдісімен COVID-19-ға зертханалық тексеруден өтеді.

Қазіргі уақытта елде КВИ ауруының өсуі байқалады. Деректерге сәйкес, өткен тәулікте (26 қаңтарда) Қазақстанда ПТР нәтижесі оң 1 397 науқас анықталды, ал пенитенциарлық жүйе мекемелерінде қолданыстағы шектеулер шеңберінде тұрақты санитариялық-эпидемиологиялық жағдай сақталып келеді. Бүгінгі таңда пенитенциарлық жүйе мекемелерінде COVID-19 инфекциясымен ауыратын 8 тергеу-қамауындағы адам бар.

Қылмыстық-атқару жүйесі мекемелерінің ішкі тәртіптеме қағидаларының 84-тармағына сәйкес эпидемияға қарсы іс-шаралар өткізу және мекемеде ерекше жағдайлар режимін енгізу себебі бойынша сотталған адамға кездесу берілмеген жағдайда кездесулер неғұрлым кеш мерзімде берілетін болады.

• 27.01.2021
• 465