Бүгін Премьер-Министрдің орынбасары - Қаржы министрі Ерұлан Жамаубаев Парламент Мәжілісінде «Еуразиялық экономикалық одақ туралы 2014 жылғы 29 мамырдағы шартқа электрондық нысанда қызметтер көрсету кезінде жанама салықтарды алу тәртібін айқындау бөлігінде өзгерістер енгізу туралы хаттаманы ратификациялау туралы» Заң жобасын ұсынды

Өз сөзінде ол бүгінгі күні бұл хаттама 4 мемлекетте ратификацияланғанын және тұтастай алғанда Қазақстан Республикасының стратегиялық басымдықтарына сәйкес келетіндігін атап өтті. Қазіргі уақытта Салық кодексінде Қазақстан Республикасының аумағында тауарлармен электрондық сауданы жүзеге асыратын шетелдік компаниялардан ҚҚС алу тетігі мен тәртібі көзделген.

Атап айтқанда, «электрондық қызметтер» ұғымы енгізілді. Мұндай қызметтерге ақпараттық-телекоммуникациялық желі (электр байланысы желісі, интернет) арқылы көрсетілген қызметтер жатады. Билеттерді, қонақүйлерді брондау, бағдарламаларды ұсыну (каѕрегѕку, adobe графикалық редакторлары) және т. б. сияқты қызметтердің тізімі нақтыланды. Сондай-ақ, электрондық қызмет көрсету орны анықталды. Жоғарыда аталған тізбеден электрондық нысандағы қызметтер бойынша ҚҚС межелі елдің қағидаты бойынша, яғни қызметті түпкілікті тұтыну орны бойынша алынатын болады.

Сөзінің соңында Ерұлан Жамаубаев осы Хаттаманы ратификациялау электрондық қызметтер үшін ҚҚС төлеу орнын белгілеу, ел бюджетіне қосымша түсімдерді ұлғайту жөніндегі дауларды шешуге ықпал ететінін және теріс әлеуметтік-экономикалық және құқықтық салдарға әкеп соқпайтынын айтты.

• 27.12.2023
• 310