Әріптестермен бірге стихиялық полигондарды жою бойынша бір жыл ішінде атқарған жұмыстардың қорытындысын шығардық

Облыс тұрғындарымен өткен кездесулер кезінде бұл мәселе сан мәрте көтерілген болатын. Ғарыштық суреттерді талдау көрсеткендей, облыста 739 рұқсат етілмеген қоқыс үйінділері анықталды. Бір жыл ішінде біз 658 қоқыс үйіндісін жойдық. Қалғандары бойынша тиісті жұмыстар жасалады.

Мысалы, Қарағандыда 141 рұқсат етілмеген қоқыс төгетін орын анықталды. Бүгінгі күні оның 137-сі жойылды. Қалған қоқыс орындары келесі жылы тазаланады.

Балқаш, Теміртау, Абай ауданының Дубовка ауылында осы бағыттағы ауқымды жұмыстарды атқару жоспарлануда. Мұнда ең үлкен қоқыс орындары тіркеліп, осыған байланысты тұрғындардан шағымдар түсуде. Біз бұл мәселені міндетті түрде шешетін боламыз.

Сонымен қатар Экология департаментінің мамандарымен басқа да қажетті іс-шаралар ұйымдастырылуда. Полициямен бірлесіп, 340 рейд өткізілді. Нәтижесінде 42 хаттама толтырылды. Сонымен қатар қалдықтарды заңсыз орналастырудың 11 әрекетіне тосқауыл қойылып, құқықбұзушылар тиісті жауапқа тартылды.

Әрине рейдтерді өткізумен қатар экологиялық мәдениетті де арттыру аса маңызды. Тек бірлесе отырып, біз аймағымыздың тазалығын қамтамасыз ете аламыз.
 

• 28.12.2023
• 268