Облыс тұрғындарымен кездесу. Балқашта не өзгерді

Биыл қаңтар және тамыз айларында Балқаш тұрғындарымен екі рет кездестім. Бақылауға 105 мәселе қойылды, оның 62-сі шешілді.

Сумен жабдықтау – бұл балқаштықтарды бірінші кезекте толғандыратын нәрсе. Тұтынушылар Лазо көшесіндегі орталық сумен жабдықтауға қосылды. Қалада 2–3 кезектегі су құбыры желілері кезең-кезеңімен қайта жаңартылуда.

Кездесулерде абаттандыру, инфрақұрылым, жолдардың жай-күйі мәселелері де көтерілді. Сәтбаев көшесіндегі 9-үйде шатыр мен қасбет жөнделді. Сәбитова шағын ауданында бес көпқабатты үйдің аумағы абаттандырылды. Тұрғындардың өтініші бойынша Абай көшесі, 14-ші үйде жарықтандыру қалпына келтірілді. Ынтымақ көшесінде дренаж жүйесі тазартылды. Туризмді дамытуға басым назар аударылуда. Кездесуге қатысушылар айтқан ұсыныстар мен ескертулер назардан тыс қалмады. Мысалы, жағажай аумағында медициналық колледж ауданында бейнебақылау камералары орнатылды. Бұл демалушылардың қауіпсіздігі үшін жасалады, тәртіп пен тазалық болады.

Туристерге автостанциядан демалыс орнына жетуді жеңілдету үшін Торанғалық және Шұбар-Түбек ауылдарына жазғы маусымдық маршрут іске қосылды. Басқа мәселелерді шешу жалғасуда және бақылауда.

• 28.12.2023
• 228