Топар МАЭС жұмысын тексердім

Биыл да әдеттегідей әріптестерімізбен бірге облыстың аудандары мен қалаларын аралауды бастадық. Ат басын Абай ауданына бұрдық. Мұнда Топар ГРЭС-нің жұмысымен таныстық. Бүгінгі таңда станция Абай қаласы мен Топар кентін жылумен қамтамасыз етеді. Сондай-ақ мұнда жаңғырту бойынша жұмыстар жүргізілуде. Сегіз турбинаның жетеуі жұмыс жасауда, үшінші турбина жөндеуден өтіп жатыр. Оның қуатын 100-ден 130 МВт-қа дейін арттыру жоспарлануда. Станцияда жеткілікті мөлшерде мазут пен көмір қоры бар, температуралық режим сақталуда.

Сонымен қатар Топардағы Балалар мен жасөспірімдер шығармашылығы орталығында болдым. Орталық 2018 жылы ашылған және техникалық модельдеу, робототехника, 3D модельдеу, эстрадалық-драмалық студия және т. б бағыттар бойынша жұмыс істейді. Мұндағы тоғыз зертханада 5 пен 18 жас аралығындағы 360 бала білім алады. Кездесу барысында балалар бізге өздерінің жобаларын таныстырды.  Аталған орталық заманауи жабдықтармен қамтамасыз етілген. Болашақта орталықтың бөлімшелерін Көксу ауылы мен Южный кентінде ашу жоспарлануда.

• 05.01.2024
• 274