Шымкент қаласы мектептерінің қызметіне кешенді мониторинг басталды

ҚР Оқу-Ағарту министрлігінің Білім саласында сапаны қамтамасыз ету Комитеті мен Шымкент қаласының Білім басқармасы қаланың білім беру ұйымдарының қызметіне мониторинг бастады.

Мониторинг барысында құрылтайшылық құжаттардан бастап оқу-тәрбие жұмысының барлық бағыттары қаралады.
Мониторинге Комитет пен аумақтық департаменттердің өкілдері, сарапшылар тартылды.

5 қаңтар күні Шымкент қаласының мектеп директорларына мониторингтің негізгі критерийлері таныстырылды. Барлық критерийлер қазіргі кездегі оқу-тәрбие жұмысында қолданылатын Оқу-Ағарту министрлігінің бұйрықтарының негізінде жасалды.
Сонымен қатар, 2024 жылы Шымкент қаласы бойынша өтетін бақылау шараларының жоспары, олардың тексеру парақтары (719 бұйрық) түсіндірілді.

Жиналыста 2023 жылғы Шымкент қаласы бойынша аумақтық департаменттің тексеріс қорытындылары, МОДО мен «Мектептерге арналған PISA» нәтижелері талданды.
Мониторинг қорытындысын талдау бойынша арнайы алқалы жиын өткізу жоспарлануда.

• 09.01.2024
• 189