2021 жылғы қаңтардың 2-ші онкүндігіне қысқаша агрометеорологиялық шолу

Қаңтардың екінші онкүндігінде республиканың оңтүстігі мен оңтүстік-шығысында күздік дақылдар өсірілетін аудандарда температуралық фон негізінен нормадан 1...4˚С жоғары болды, тек кей жерлерде ауа температурасы орташа көпжылдық мәннен 1...3˚С төмен болды, елдің батысында температура нормадан 1...2 ˚С төмен болды. Жауын-шашын оңтүстік-шығыста нормадан көп түсті, бұл топырақта ылғал қорының қалыптасуына ықпал етеді, батыста жауын-шашын нормадан төмен болды.

Жылымық, Алматы және Жамбыл облыстарында күздік бидайдың шынығуын жоғалтуы мүмкін, бұл өсімдіктердің қысқы төзімділігін төмендетуге ықпал етеді.

Түркістан облысының алқаптарында қар жамылғысының болмауы қатты аяз кезінде күздік бидайдың қыстауына әсер етуі мүмкін.

Батыс Қазақстан облысында күздік дәнді дақылдарды өсіру аудандарында тұрақты қар жамылғысы (20-29 см) сақталуда, ол өсімдіктерге қорғаныш әсерін тигізді, сондықтан топырақ бетіндегі төмен температура (минус 25 ˚С) қыстап шығу үшін соншалықты қауіпті болған жоқ.

Жайылымдық мал шаруашылығының басым аумағында мал жаю жүргізілді. Қостанай облысында малдар қорада ұсталуда.

Қаңтардың екінші онкүндігінде республиканың батысында мал жаю аудандарында қардың орташа биіктігі 5-10 см-ге жетті, Қазақстанның солтүстігінде қардың орташа биіктігі 10-28 см, шығысында 10 см - ге дейін болды, елдің оңтүстігінде қардың биіктігі 2-3 см-ге жетті, бірақ негізінен қар болған жоқ.

Жайылымдар негізінен орташа және әлсіз тапталған. Қатты тапталған жайылымдар Жамбыл облысында, Алматы облысының жекелеген аудандарында және Қарағанды облысында байқалуда.

Қызылорда облысы мен Батыс Қазақстан облысында шымның құрғақ жай-күйі байқалды, қалған жайылымдық мал шаруашылығы аумағында шым қатқақ болды.

• 29.01.2021
• 239