Биылғы жылы мүгедектігі бар адамдарды жұмысқа орналастырумен барынша белсенді айналысуды мақсат тұтып отырмыз

Бүгінде аймақта осы санаттағы жұмыссыз 18 мың адам бар. Мүгедектігі бар мыңдаған адамды жұмысқа орналастыру олардың әл-ауқатын арттыруға мүмкіндік беріп, ең бастысы қоғамда әлеуметтенулеріне көмектесетініне сенімім мол. Бұл орайда бизнесті осы жұмыстарды іске асыруға шақырып қана қоймай,  кәсіпкерлер үшін қажетті жағдайларды жасау да аса маңызды.

Облыста бизнес арнайы жұмыс орындарын құрып, оларды жабдықтаған соң 300 АЕК-ке дейін субсидия алатын арнайы жоба іске қосылған. Бүгінде бұл жоба Саран, Қарағанды, Шахтинск, Теміртау, Балқаш қалалары мен Абай және Бұқар жырау аудандарында оң нәтиже беруде.  

Аталған жоба ашық, қарапайым және ең бастысы кәсіпкерлер үшін тиімді. Жоба жайлы толық ақпаратты сіздер Еңбек ұтқырлығы орталығынан мына мекенжай бойынша біле аласыздар: Қарағанды қаласы, Тәттімбет көшесі 709, байланыс телефондары: 8(7212) 996-401, 996-493, 996-395, 996-405, 996-406, 996-407, 996-396.

Аймағымызға осындай қажетті жобаны іске асыруға бір кісідей атсалысайық.

• 16.01.2024
• 248