Аймақтағы шешуді қажет ететін мәселелердің бірі - дәрігерлердің жетіспеушілігі

Ауруханалар мен фельдшерлік бекеттерді салу өз алдына, оларға білікті кадрларды жұмысқа тарту да аса маңызды. Жастарды аудандарда жұмыс істеуге ынталандыру үшін өткен жылдан бастап облыста көтерме төлемдерді 5 млн теңгеге дейін ұлғайттық. Осылайша біз ауылда мансап жасауға бел буған 61 адамға қолдау жасадық. Мұндай қолдау жастарымыздың тарапынан қызығушылық тудырады деген сенімдемін.

Биылғы жылы көтерме төлемдерді 8,5 млн теңгеге дейін, ал Теміртау және Балқаш қалалары үшін 5 млн теңгеге дейін ұлғайтуды тапсырдым. Біз өз тарапымыздан тұрғындарымыздың сапалы және уақытылы медициналық көмек алуы үшін қолдан келгеннің бәрін жасауға дайынбыз. Сонымен қатар аудандарда жұмыс істегісі келетін мамандарды қолдауға әзірміз. Биыл облыс бойынша 12 денсаулық сақтау нысанын күрделі жөндеуден өткіземіз, олардың ішінде Доскей кентіндегі дәрігерлерге арналған үй бар. Жақын арада пәтер кілттері 40 адамға тапсырылады.

• 16.01.2024
• 259