2024 жылдың қаңтар айының 1-ші онкүндігіне қысқаша агрометеорологиялық шолу

Қаңтардың бірінші онкүндігінде республиканың оңтүстігінің және оңтүстік-шығысының күздік бидай себілген аудандарында әлі де жылы ауа-райы сақталған, орташа тәуліктік ауа температурасы нормадан 6...10°С жоғары, жауын-шашын көбінесе нормадан төмен және нормаға жуық болған.

Түркістан облысының Шымкент станциясының маңайында онкүндіктің төртінші күні ауа температурасының оң болуынан күздік бидайдың қайтадан өсіп-өнуі байқалған. Даму кезеңі «3-ші жапырақ», өсімдіктердің жағдайы қанағаттанарлық.

Қар Алматы облысынан (Қырғызсай станциясынан 6 см) басқа оңтүстіктің және оңтүстік-шығыстың егістіктерінде ауа температурасының жоғарылауына байланысты еріген, бұл қатты аязда күздік бидайдың қыстап шығуына әсер етуі мүмкін. Топырақтың қату тереңдігі 2 см 21 см дейін болған.

Республиканың оңтүстігінде және оңтүстік-шығысында жиі еру 3 тәулікке дейін, оңтүстікте (минус 3...5°С) және оңтүстік-шығыста (минус 6...11°С) түнгі теріс ауа температурасымен ауысқанда, күздік бидай дақылдары нашар дамыған өсімдіктердің зақымдалуына әкелуі мүмкін.

Елдің оңтүстігінде күздік бидайды қопсыту түйінінің тереңдігіндегі топырақтың минималды температурасы 0°С және оңтүстік-шығыста минус 2...4°С дейін болған.

Көптеген аудандарда агрометеорологиялық жағдайлар қысқы дақылдардың қыстауына қанағаттанарлық болған.

Жалпы, қаңтардың бірінші онкүндігінде жайылымдық мал шаруашылығының басым аумағындағы ауа-райы мал жаюға қолайлы болған.

Онкүндіктің соңында көптеген облыстарда жайылымдар бірқалыпты тапталған, қатты тапталған жайылымдар Алматы облысында (Ауыл №4 станциясы), Жетісу облысында (Ақжар станциясы), Батыс Қазақстан облысында (Бұлдұрта және Тайпақ станциясы) орын алған.

Жайылымдық мал шаруашылығының басым аймағында шымның қатқақ болуы байқалған, Алматы, Жетісу және Түркістан облыстарының кейбір жайылымдарында шым дымқыл болған.

• 18.01.2024
• 234