Баршаға қолжетімді сапалы білім

«БАРШАҒА ҚОЛЖЕТІМДІ САПАЛЫ БІЛІМ» Ұлттық баяндамасының жобасын Семей қаласында Абай, Алматы, ШҚО және Жетісу облыстарының, Алматы қаласының білім басқармалары мен әдістемелік орталық басшыларының қатысуымен талқылап, Жол картасын пысықтадық.

Баяндаманың білім беру деңгейлері бойынша негізгі басым бағыттары:

Мектепке дейінгі тәрбие мен оқыту: БАЛАБАҚША – ЖАЙЛЫ ЖӘНЕ ДАМУ АЙМАҒЫ

- 2-6 жастағы балаларға балабақшаға қолжетімділікті қамтамасыз ету, оларға қауіпсіз жағдай жасау;

- балабақшамен қамытылмаған балаларға қосымша құзреттілік орталықтар арқылы базалық дағдыларды қалыптастыруға мүмкіндік жасау;

- олардың ата-аналарына бала тәрбиесімен айналысуға қатысты, оның денсаулығын күту, тамақтану мәселелері бойынша кеңестер беретін орталықтар ашу;

- балабақшаның бастауыш сыныппен байланыстарын арттыру;

- педагогтердің әлеуетін арттыру.

Орта білім: ӘР МЕКТЕП-ҮЗДІК МЕКТЕП

Әрбір мектептің жұмысын сапалы білімге тең қолжетімділікті қамтамасыз етуге бағыттау. Білім беру ұйымдарының өзара іс-қимылын қамтамасыз ету және білім сапасын арттыру үшін ауылдық жерлерде білім беру округтерін құру, құзреттілік орталықтарын ашу.

Техникалық және кәсіптік білім: ЖҰМЫСШЫЛАРДЫ ДАЯРЛАУДЫҢ НЕГІЗГІ БУЫНЫ

Еңбек нарығында сұранысқа ие мамандықтар бойынша тегін екінші кәсіпті беру, кәсіби стандарттарға сәйкес білім беру бағдарламаларын жаңарту, еңбек нарығына жылдам ену үшін құзыреттілікке негізделген модульдік тәсілді енгізуді жалғастыру.

• 08.02.2024
• 202