Қазақстан Республикасы Мәдениет және ақпарат министрлігінің Этносаралық қатынастарды дамыту комитетінің төрағасы Ғ.Шойкин Алматы қаласында өткен «Дүнген республикалық этномәдени орталығы» РҚБ-ның бірінші есеп беру конференциясына қатысты

Қазақстан Республикасы Мәдениет және ақпарат министрлігінің Этносаралық қатынастарды дамыту комитетінің төрағасы Ғ.Шойкин Алматы қаласында өткен «Дүнген республикалық этномәдени орталығы» РҚБ-ның бірінші есеп беру конференциясына қатысты. Іс-шарада «Дүнген республикалық этномәдени орталығы» РҚБ төрағасы З.Махусеев этномәдени орталықтың және оның 11 өңірлік филиалдарының атқарған жұмыстары туралы есеп берді. Сондай-ақ іс-шарада Жастар қанатының, Ақсақалдар кеңесінің, аналар кеңесінің, ғылым және білім, сондай-ақ қоғам дамуының басқа да салаларындағы дүнген этносының көрнекті өкілдері сөз сөйледі.

Өз сөзінде Ғ.Шойкин мемлекеттік органдар мен «Дүнген республикалық этномәдени орталығы» РҚБ-ның бірлескен жұмысының негізгі бағыттарына, оның ішінде қоғамда бейбітшілік пен келісімді ілгерілету, азаматтық құндылықтарды қалыптастыру, этностарды интеграциялау және ел халқының бірлігін қамтамасыз ету, қазақстандық этностарды ықпалдастырудың тиімді құралы ретінде мемлекеттік тілді ілгерілету, этносаралық шиеленістің алдын алу бағыттарындағы жұмыстарға назар аударды.

Іс-шара соңында Ғ.Шойкин «Дүнген республикалық этномәдени орталығы» РҚБ-ның белсенділерін Мәдениет және ақпарат министрі А.Балаеваның «Алғыс хатымен» марапаттады.

• 12.02.2024
• 168