Этносаралық қатынастарды дамыту комитетінің төрағасы Ғ.Шойкин «Адал азамат – ел тірегі» атты Қазақстан ұйғырларының республикалық этномәдени орталығы әйелдер кеңесінің конференциясына қатысты

2024 жылдың 10 ақпанында Қазақстан Республикасы Мәдениет және ақпарат министрлігінің Этносаралық қатынастарды дамыту комитетінің төрағасы Ғ.Шойкин «Адал азамат – ел тірегі» атты Қазақстан ұйғырларының республикалық этномәдени орталығы әйелдер кеңесінің конференциясына қатысты. Іс-шара ұйғыр этномәдени бірлестігі мен ғылым-білім саласының белсенділерінің басын қосты.

Конференция барысында Қазақстан ұйғырларының Республикалық этномәдени орталығының төрағасы, Қазақстан халқы Ассамблеясының мүшесі А.Долқунтай және басқа да қатысушылар сөз сөйледі.

Атап айтқанда, «Өрлеу «БАҰО» АҚ «Алматы облысы бойынша кәсіби даму институты» басшысының оқу-әдістемелік жұмысы жөніндегі орынбасары Х.Мәсімова ұлттық бірегейлік пен бірлікті нығайту негізі ретінде жастардың тәрбиелік әлеуетін дамыту туралы өз ойларымен бөлісті.

Ғ.Шойкин өз сөзінде «Адал азамат» қағидаттарына тоқталып, азаматтардың өз өмірін жақсарту және заңға бағыну үшін өз жауапкершілігін сезінудің маңыздылығын атап өтті. «Адал Азаматтың»еңбекқор, білімді, қайырымды тұлға екендігіне, оның бойында еңбексүйгіштік, жауапкершілік, білімділік, адалдық, азаматтық құндылықтар – отансүйгіштік, азаматтық белсенділік, қамқорлық, әділдік сияқты қасиеттер болуы қажеттігіне баса назар аударды. Ғ.Шойкиннің айтуынша, дәл осы құндылықтар жиынтығы Қазақстан халқының табысты қалыптасуы мен дамуының кепілі болып табылады.

Конференция қатысушылары арасында «Адал азамат» қағидаттары бойынша балалар мен жастарды тәрбиелеу туралы мәнді, мағыналы пікір алмасу өтті.

• 12.02.2024
• 193