Нұрлан Ноғаев: бизнесті Дамыту үшін мемлекет бөлетін гранттарды тиімді жұмсау және пайдалану маңызды

Шағын және орта кәсіпкерлікте (ШОБ) жұмыспен қамтылғандар санының өсуін қамтамасыз ету жөніндегі шаралар өңір басшысы Нұрлан Ноғаевтың төрағалығымен өткен аппараттық кеңесте қаралды, деп хабарлайды Маңғыстау облысы әкімінің баспасөз қызметі. 

Маңғыстау облысында 2023 жылы кәсіпкерлікті дамыту жөніндегі 2021-2025 жылдарға арналған ұлттық жоба шеңберінде шағын және орта бизнесті мемлекеттік қолдау шаралары іске асырылды. Бұл шараларға республикалық және жергілікті бюджеттер есебінен несиелер бойынша сыйақы мөлшерлемесін субсидиялау, микрокредиттер бойынша портфельдік субсидиялау, ішінара кепілдік беру, мемлекеттік гранттар беру, сондай-ақ кәсіпкерлерді қаржылық қолдау кірді.

2023 жылы республикалық бюджеттен ұлттық жоба шеңберінде кәсіпкерлікті дамытуға 13 миллиард теңге, ал жергілікті бюджеттерден 2,2 миллиард теңге бөлінді. Атап айтқанда: 

- Пайыздық мөлшерлемені субсидиялауға 13,263 миллиард теңге бөлінді;
- Несиелерге кепілдік беруге 1,7735 миллиард теңге бөлінді;
- Жаңа бизнес-идеяларға мемлекеттік гранттар беруге 250 миллион теңге бөлінді.

2023 жылдың қорытындысы бойынша ұлттық жоба шеңберінде 57,8 миллиард теңге сомасына 1 668 жобаға қолдау көрсетілді.
- Сыйақы мөлшерлемесінің бір бөлігін субсидиялау бойынша 48,2 миллиард теңге сомасына 1 015 жобаға қолдау көрсетілді;
- Ішінара кепілдік беру бойынша 9,6 миллиард теңге көлеміндегі кепіл сомасына 653 жобаға қолдау көрсетілді.

Бұдан басқа, мемлекеттік гранттар аясында конкурстық рәсімдердің нәтижелері бойынша жаңа бизнес-идеяларды іске асыруға 245,6 миллион теңге бөлінді. Мемлекеттік гранттарды 53 кәсіпкер жеңіп алды, бұл жобаларды табысты іске асыру кезінде 169 жаңа жұмыс орнын құруға мүмкіндік береді.

Халықтың әлеуметтік осал топтарынан шыққан азаматтарға жаңа бизнес-идеяларды іске асыруға 400 АЕК (1 380 000 теңге) мөлшерінде гранттар беру үшін 2023 жылы республикалық бюджеттен 347,7 миллион теңге бөлінді. Бұл гранттарды 249 кәсіпкер алды.

Осы мемлекеттік грантты іске асыруға 2024 жылы республикалық бюджеттен 360,4 миллион теңге бөлу көзделген және 250 кәсіпкерге грант беру жоспарлануда.

Сонымен қатар, 2023 жылдан бастап жас кәсіпкерлерге жылдық 2,5% несие беру бағдарламасы іске қосылды. Бұл бағытқа 2023 жылы республикалық бюджеттен 815 миллион теңге бөлінді. Аталған қаражы 168 жас кәсіпкерге төмендетілген пайыздық несие беру үшін пайдаланылды. Осы шағын несиелендіру бағдарламасын іске асыруға 2024 жылы республикалық бюджеттен 1,1 миллиард теңге бөлу жоспарлануда. Бұл қаражатқа 220 кәсіпкерге шағын несие беріледі деп болжануда.

«Ауыл аманаты»  пилоттық бағдарламасы аясында ауыл халқының табысын арттыру мақсатында 2023 жылға республикалық бюджеттен 1,2 миллиард теңге бөлінді. Нәтижесінде бұл қаражат толығымен игеріліп, 165 жоба қаржыландырылды.

2024 жылға сол бағдарлама шеңберінде республикалық бюджеттен 1,8 миллиард теңге бөлу көзделген.

Облыс әкімі Мемлекет басшысының нұсқауларына сәйкес шығыстарды бақылауға және қаржы ресурстарын пайдаланудың ашықтығын қамтамасыз етуге ерекше назар аударылатынын атап өтті.

«Гранттарды пайдалану жеке пайдаға емес, бизнесті дамытуға бағытталуы керек. Бұл қағиданы елемейтіндер мемлекеттің қолдау шараларына деген сеніміне және олардың қоғам үшін пайдалылығына нұқсан келтіреді. Мемлекет тарапынан қолдау қоғамдық ресурстар арқылы баюдың оңай жолдарын іздейтіндерге емес, инновацияға, өсуге және жұмыс орындарын құруға шынымен ұмтылатындарға бағытталуы керек.  Гранттарды пайдалану бойынша бақылау мен есептіліктің ашық тетіктерін құру - мақсатсыз пайдаланудың алдын алу және мемлекеттік қаражаттың қоғам мүддесіне үшін пайдаланылуын қамтамасыз ету үшін қажет», - деді Нұрлан Ноғаев.

• 14.02.2024
• 223