Үкіметте шағын және орта бизнесті одан әрі қолдау мәселелері талқыланды

Астана. Үкімет отырысы.

Өз сөзінде ҚР ҰЭМ басшысы Әлібек Қуантыров кәсіпкерлікті дамыту ұлттық экономиканың тұрақты дамуының маңызды факторы болып табылатынын атап өтті.

ШОБ-ты (шағын және орта бизнесті) дамыту

ЖІӨ-дегі (жалпы ішкі өнім) ШОБ үлесі 33,5%-дан 36,5%-ға дейін өсті (2021 жылдан 2023 жылға дейін)

2023 жылы ШОБ-та жұмыспен қамтылғандар саны – 4,3 млн адамды құрады (+10,4%)

Ә.Қуантыровтың айтуынша, қазіргі уақытта бизнесті мемлекеттік қолдаудың сұранысқа ие шараларының бірі «Бизнестің жол картасы» және «Қарапайым заттар экономикасы» бағдарламаларының құралдары болып отыр. «Даму» Қоры оператор болып табылады.

2023 жылы ШОБ-ты мемлекеттік қолдау бойынша

1 трлн теңгеге 12 мың жоба субсидияланды

340 млрд теңгеге 8 мың жобаға кепілдік берілді

10 мың кәсіпкер оқытылды

166 мың консультация берілді

А.ж. бюджетте шағын және орта бизнестің 40 мың жалғасып жатқан және 20 мың жаңа жобасын қолдауға шамамен 300 млрд теңге көзделді, - деп нақтылады министр.

Сондай-ақ Министрлік «Бизнестің жол картасы» және «Қарапайым заттар экономикасы» бағдарламаларын біріктіруді көздейтін Мемлекеттік қолдау шараларын ұсыну жөніндегі бағдарламаны әзірледі. Ол бәсекеге қабілетті, импортты алмастыратын және экспортқа бағдарланған салаларды дамытуға әрі жаңа жұмыс орындарын құруға бағытталған.

Бағдарлама мыналарды қарастырады

Нарықтық жағдайларға кезең-кезеңмен көшумен субсидиялау бойынша сараланған тәсіл

Бизнестің қарсы міндеттемелері

Бизнес жобаларын іріктеудің негізгі критерийлері

Кепілдендіруге жататын экономиканың басым секторларын кеңейту

Кепілдік беру бойынша кредиттеу сомасын 3,5 млрд теңгеге дейін арттыру

500 млн. теңгеден астам кепілдіктер бойынша нарықтық жағдайларға көшу (комиссия есебінен)

Әлеуметтік кәсіпкерлер үшін кепілдік мөлшерін 1 млрд. теңгеге дейін ұлғайту

-Синдикатталған кредит беру жөніндегі құралды енгізу, облигациялық қарыз бойынша шарттарды кеңейту, әлеуметтік кәсіпкерлерге және «Бір ауыл – бір өнім» жобасына қатысушылар үшін гранттар беру, әлеуметтік кәсіпкерлік корпорациясын субсидиялау арқылы өңірлік бағдарламаларды іске асыру қаржыландырудың балама құралдарын дамыту ретінде ұсынылады, - деп қорытындылады ҰЭМ басшысы.

• 15.02.2024
• 163