Құрметті жерлестер!

Құрметті жерлестер!

Бүгін әлеуметтік нысандардың құрылысы мен тұрғын үйді пайдалануға беру бойынша кезекті жиналыс өткіздім. Жалпы, биыл өңірімізде қаржыландырудың барлық көздері есебінен 557,2 мың м2 тұрғын үй салу жоспарланып отыр. Оның ішінде бірінші тоқсанда 93,1 мың м2 енгізу керек.

Бұдан басқа, көпбалалы отбасылар үшін 366 үй салу және сатып алу жоспарлануда. Оның ішінде, бұрынғы аудан орталықтарында 45 үй бой көтереді. Жыл басында әкімдерге облыстың бұрынғы аудан орталықтарын дамыту жоспарын әзірлеу тапсырылған. Бұл бағытта тұрғын үй құрылысы жаңа серпін берері рас.

Біздің облыс бюджет қаражаты есебінен тұрғын үй салу бойынша алғашқы орын иелерінің қатарында. Осыған байланысты, коммерциялық тұрғын үй құрылысының көлемін ұлғайту жөніндегі іс-шаралар жоспарын дайындау тапсырылды. Облыс әкімдіктері, сондай – ақ Құрылыс басқармасы абаттандыру жұмыстарын ескере отырып, бекітілген алты және одан да көп жобалардың үлгілері бойынша үйлердің кешенді құрылысына инвесторларды тарту бағытында "Жеке инвестор - кредиттік тұрғын үй" қағидаты бойынша жұмысты жалғастыруы тиіс.

Сондай-ақ, биыл жалпы аумағы 260 мың шаршы метр тұрғын үй құрылысының жобалау-сметалық құжаттамасын әзірлеуге бюджет қаражатын бөлу мәселесі қаралатын болады.

• 03.02.2021
• 334