ОЭК АТО және MIT жылу энергетика саласында озық технологиялық шешімдерді енгізу бойынша жобалар әзірлеуде

Қазақстан Республикасы Энергетика министрлігінің Цифрлық трансформация кеңсесі цифрлық трансформация картасы аясында EnergyTech мақсатты технологиялық бағдарламасын әзірлеуде. Бағдарламаның мақсаты – мүдделі тараптардың серіктестігі негізінде инновациялық экожүйені құру. "ҚР ОЭК АТО" АҚ Министрліктің Цифрлық трансформация кеңсесінің жұмыс органы болып белгіленді.

"ҚР ОЭК АТО" АҚ Массачусетс технологиялық институтымен (MIT) бірлесіп, негізгі мақсаты Қазақстан Республикасының жылу энергетикасы секторын кешенді дамыту болып табылатын жобаларды әзірлеуде. Бұл бастамаларға жылу энергетикасы саласында озық технологиялық шешімдерді енгізу, венчурлік инвестицияларды тарту, сондай-ақ ұлттық энергетика саласының кәсіби әлеуетін қалыптастыру және дамыту кіреді.

Массачусетс технологиялық институты (MIT) QS World University Rankings жаһандық рейтингінде жетекші орынға ие және әлемдегі жетекші техникалық оқу орындарының бірі болып табылады. Осы беделді институтпен ынтымақтастық "зерттеу арқылы оқыту" стратегиялық қағидатын жүзеге асыруға ықпал етеді, сонымен қатар неғұрлым жетілдірілген және тұрақты болашақты қамтамасыз етуге деген ұмтылысты қолдайды.

Ынтымақтастықтың маңызды кезеңдерінің бірі ағымдағы жылдың 18-19 наурызына жоспарланған халықаралық Воркшоп болмақ. (Астана қ.). Іс-шараға Американың жетекші энергетикалық компанияларының өкілдері, соның ішінде MIT профессорлық-оқытушылық құрамы қатысады.

Воркшоп энергетика секторында жаңа технологиялар мен цифрландыруды қолдану саласында білім мен тәжірибе алмасуға арналған платформа болады.

"ҚР ОЭК АТО" АҚ және MIT Жылу энергетикасы саласындағы даму мен инновацияларға мүдделі компаниялар мен стартаптарды Воркшопқа қатысуға шақырады. Қатысуға өтінімдер 1 наурызға дейін қабылданады.

Өтінімдер беру және Воркшоп туралы қосымша ақпарат алу үшін біздің мамандар тобына хабарласыңыз: Баярстанов А., a.bayarstanov@iacng.kz, +7777701077.

• 23.02.2024
• 189