ҚР Қаржы министрі Мәди Такиевтің Азия даму банкінің Орталық және Батыс Азия елдері бойынша Бас директоры Евгений Жуковпен кездесуі

Азия даму банкінің екіжақты ынтымақтастықтың перспективалық бағыттары, сондай-ақ қазақстандық жобаларды қаржыландыру мәселелері Қаржы министрі Мәди Такиевтің Азия даму банкінің Орталық және Батыс Азия елдері бойынша Бас директоры Евгений Жуковпен кездесуінде қаралды.

Кездесу барысында Мәди Такиев Азия даму банкімен әріптестіктің стратегиялық сипатын және оның мемлекетіміздің әлеуметтік-экономикалық дамуына қосқан үлесін атап өтті.

Серіктестік жылдарында Қазақстан мен АДБ өзара тиімді ынтымақтастықты құра алды, АДБ түрлі құралдар арқылы ҚР Үкіметі жүзеге асыратын реформалардың күн тәртібіне жәрдемдесуді жалғастыруда, соның арқасында қазіргі уақытта бізде ынтымақтастықтың белсенді портфелі және іске асырылған көптеген табысты бағдарламалар бар. Сондай-ақ, Қазақстанға АДБ тарапынан техникалық қолдау түрінде көрсетілетін көмектің маңыздылығын атап өткім келеді, бұл білім мен тәжірибені беруді қамтамасыз етуге мүмкіндік туғызады, - деді Министрлік басшысы.

Кездесуге, сондай-ақ, Қазақстандағы Азия даму банкі өкілдігі директорының м.а. Мирзо Искандар Гуламов және өңірлік үйлестіруші Ботагөз Ваисова қатысты.

• 26.02.2024
• 205