Серік Жұманғарин мен Нұрлан Ноғаев Маңғыстау кәсіпкерлерімен ауыл шаруашылығы мен бизнесті дамыту мәселелерін талқылады

2024 жылғы 22 ақпанда премьер-министрдің орынбасары Серік Жұманғарин Маңғыстау облысына жұмыс сапары аясында өңір басшысы Нұрлан Ноғаевтың төрағалығымен бизнесті дамыту мәселелері бойынша жергілікті кәсіпкерлермен кездесті, деп хабарлайды Маңғыстау облысы әкімінің баспасөз қызметі.
 
Жиын барысында маңғыстаулық кәсіпкерлер көкейтесті сұрақтарын қойды. Өңірлік өнім өндірушілер үшін ең өзекті сұрақ - жергілікті ауыл шаруашылығы өнімдерінің импортталатын азық-түлекпен бәсекеге түсуі болып отыр.

- Кәсіпкерлер маусымында Ираннан қиярды көптеп импорттайды және оларды жергілікті өнімге қарағанда екі есе арзан бағасына сатады. Мысалы, қиярды бір килограмына 500 теңгеден сатады, ал жергілікті қияр бір килограмына 1000 теңгегеден сатылады. Себебі Иранда құнның жартысын мемлекет субсидиялайды, мұндай әдіс бізде қарастырылмаған. Бұл тұрғындарға қиярды арзан бағамен сатып алуға мүмкіндік береді. Алайда, жергілікті өнім экологиялық жағынан әлдеқайда таза, өйткені олар тасымалдау кезінде ұзақ сақталу үшін әртүрлі тыңайтқыштармен өңделмейді, - деді «доктор Агро» ЖШС директоры Байрам Қазым.
 
Сонымен қатар, жиында Мұнайлы ауданының тұрғыны көкөністердің бірнеше түрін өсіретін жылыжай туралы айтты. Биыл ол лаванда алқабын егуді жоспарлап отыр. Оның сөзінше, бұл туристерді тартып қана қоймай, қосымша жұмыс орнын ашуға жәрдемдеседі. Алайда, қазірдің өзінде жылыжайда әрдайым жұмыс күші тапшы.
 
- Біздің өңірде жұмыссыздар көп, бірақ қандай да бір себептермен олар жылыжайда жұмыс істегісі келмейді. Барлығы мұнай саласында қызмет атқарғанды жөн санайды. Біз жұмыспен қамту орталығына жылыжайдағы бос жұмыс орындары туралы өтінім жібереміз, бірақ ешкім ауыл шаруашылығы саласына келмейді, - деді Алмагүл Қарасаева.
 
Өңір басшысы Нұрлан Ноғаев жергілікті атқарушы органдар сұранысқа ие және өзекті кәсіптер бойынша кадрлар даярлауға гранттар бөлетінін атап өтті. Алайда, көптеген жастар ауыл шаруашылығы мен бизнестің болашағын елемей, мұнай саласында жұмыс істегенді жөн көреді.

-Маңғыстаулық жастар көбінесе жергілікті оқу орындарында мұнай өнеркәсібі саласында білім алады. Басқа өңірге шығып білім алу немесе қазіргі сұранысқа ие мамандықтарды игеру мүмкіндігін қарастырмайды. Мәселен, өңірде әлі күнге дейін тиісті деңгейде дамымаған салалар бар, соның ішінде ауыл шаруашылығы. Бұл саланы дамыту үшін жоғары білікті мамандар мен инновациялық шешімдер қажет. Әсіресе азық-түлік бағасының күн сайын өсуімен импортқа жоғары тәуелділік бұл салаға сұранысты арттырады. Сондықтан ауыл шаруашылығын, атап айтқанда агроөнеркәсіп секторын белсенді дамыту және осы бағытта кадрлар даярлау маңызды, - деп атап өтті Нұрлан Ноғаев.

Серік Жұманғарин Маңғыстау облысының агроөнеркәсіптік саласын дамыту үшін 2024 жылы 2,5 млрд.теңге субсидия көзделгенін және қаржы көлемі ұлғаятынын атап өтті.

- Бүгінгі таңда ауыл шаруашылығының өзекті мәселелерінің бірі – өзімізді негізгі азық-түлік өнімдерімен толық қамтамасыз ету. Зерттеу деректері бойынша қазақстандықтар тұтыну шығындарының жартысын азық-түлікке жұмсайды. Бұл шығындардың 17% – ы етке, оның ішінде тауық етіне, 8% – ы астық өнімдеріне (нан, жарма және т.б.), 5% – ы сүт өнімдеріне, 4% - ы көкөністерге, жемістер мен қантқа жұмсалады. Бұл біз ауыл шаруашылығы арқылы өзімізді толығымен қамтамасыз етуіміз керек өнімдер, - деп атап өтті вице-премьер өз сөзінде.

Сонымен қатар, Серік Жұманғарин фермерлік жылыжай иелеріне субсидия алу мүмкіндігін айтты. Ол үшін жылыжай шаруашылықтарын ұлттық стандартқа сәйкес келтіру қажет. Бұған фермерлерге Сауда және интеграция министрлігінің Техникалық реттеу және метрология комитеті көмектеседі. Сонымен қатар, өңірдегі жылыжай шаруашылықтарын дамыту мүмкіндіктерін ескере отырып, Түркістанның мысалында салалық қауымдастық құруды ұсынды.
 
Сол күні Ақтауда «Адай жылқысы» жобасының тұсаукесері өтті.
Еске сала кетейік, 2023 жылы Адай тұқымды қазақ жылқысы жаңа ұлттық бренд ретінде патент алған болатын.

• 27.02.2024
• 208