ҚР Қаржы министрі Мәди Такиев Қазақстан бойынша Еуропа қайта құру және даму банкінің (бұдан әрі – ЕҚДБ) басшысы Хусейн Озханмен кездесті

Бүгін ҚР Қаржы министрі Мәди Такиев Қазақстан бойынша Еуропа қайта құру және даму банкінің (бұдан әрі – ЕҚДБ) басшысы Хусейн Озханмен кездесті.

Кездесу барысында тараптар перспективалы жобаларды іске асыру және екіжақты қатынастарды одан әрі дамыту мәселелерін талқылады.

Мәди Такиев Қазақстан ЕҚДБ-мен ынтымақтастықты жоғары бағалайтынын және өзара тиімді ынтымақтастықты одан әрі нығайтуға дайын екенін айтты.

Біз ЕҚДБ-мен «жасыл» энергетика, коммуналдық қызметтер, жаңартылатын энергия көздерін дамыту және жеке бизнес салаларындағы жобаларды іске асыру бойынша нәтижелі жұмысқа ашықпыз. Біздің ынтымақтастығымыз сапалы жаңа деңгейге көтерілуі мүмкін, - деп атап өтті министрлік басшысы.

Кездесу қорытындысы бойынша тараптар ағымдағы жобаларды сапалы іске асыру және стратегиялық әріптестіктің жаңа бағыттарын пысықтау шеңберінде бірлескен жұмысты жандандыру уағдаластығына қол жеткізді.

Кездесуге сондай-ақ Қазақстан бойынша басшының орынбасары Асқар Намазбаев пен директордың орынбасары, ЕҚДБ аға банкирі Бахтиер Файзиев қатысты.

• 28.02.2024
• 194