Ақтауда МАЭК-тегі БН-350 реакторын толықтай пайдаланудан шығару мәселесі бойынша үшжақты кездесу өтті

Ақтауда өңір басшысы Нұрлан Ноғаевтың төрағалығымен Маңғыстау атом энергетикалық комбинаты өкілдерінің, Атом энергиясы жөніндегі халықаралық агенттіктің (АЭХА) пайдаланудан шығару және қоршаған ортаны қалпына келтіру секциясының жетекшісі Владимир Микалдың, Еуропалық Қайта Құру және даму банкінің (ЕҚДБ) ядролық қауіпсіздік департаменті директорының көмекшісі Стивен Уайттың қатысуымен үшжақты кездесу өтті, деп хабарлайды әкімнің баспасөз қызметі Маңғыстау облысы.

Кездесуде БН-350 реакторын толықтай пайдаланудан шығаруға қатысты маңызды мәселелер қаралды. Жиында сарапшылар осы тақырып бойынша өзара тәжірибе және ақпарат алмасты.

Жиында барлық мүдделі тараптар бұл кездесу БН-350 реакторын толықтай пайдаланудан шығару процесін сәтті жүзеге асыруды тиімді үйлестіруге ықпал ететінін атап өтті.

Кеңесте Владимир Микаил ядролық объектілерді пайдаланудан шығару және радиоактивті қалдықтармен жұмыс істеу саласындағы МАГАТЭ қызметі туралы баяндады.

Стивен Уайт Еуропалық Қайта Құру және даму банкінің (ЕҚДБ) ядролық нысандарды пайдаланудан шығару жобаларын халықаралық қолдауы туралы әңгімеледі.

Сарапшылар Ақтаудағы сапары барысында реактор қондырғысымен танысып, БН-350 реакторын толықтай пайдаланудан шығару мәселелері бойынша өз көзқарастарын ұсынатын болады. Олар қондырғының қазіргі жағдайын зерттеп, ықтимал тәуекелдер мен мәселелерді анықтаған соң, реакторды пайдалану кезеңін қауіпсіз және тиімді аяқтау бойынша ұсыныстар мен шаралар ұсынуға ниетті.

Айта кетейік, бұл мәселе өткен жылдың қыркүйек айында Венада өткен МАГАТЭ Бас конференциясының 67-ші сессиясы аясында ҚР Энергетика министрлігі мен ҚР Сыртқы істер министрлігі өкілдерінің кездесулері барысында да талқыланған болатын.

Нұрлан Ноғаев Ру БН-350-ді толықтай пайдаланудан шығару өңірдің қауіпсіздігі мен экологиялық тұрақтылығына ықпал ететінін атап өтті. Ол сондай-ақ барлық мүдделі тараптарды осы жобаны іске асыруға бағытталған сұрақтарды талқылауға және шешім қабылдауға белсенді қатысуға шақырды.

• 29.02.2024
• 159