Қарағанды тұрғындарының шағымдары бойынша қаланы араладым

Қала тұрғындары әлеуметтік желілерде, жеке хабарламалар мен кездесулерде шағымданған жерлерге алдын-ала ескертусіз бардым. Мысалы, жаяу жүргіншілер аумақтарынан, жол жиектерінен жиналмаған қар мен күтімсіз қалған аялдамаларға қатысты айтылып жатқан шағымдар жетерлік. Жұмыс сапары барысында Пришахтинск, Майқұдық, Оңтүстік-Шығыс және Федоровкаға бардым. Бүгінде қаламызда жолдар уақытылы тазартылғанмен, тротуарларды тазалау жұмыстары тиісті деңгейде емес. Алда қауіпті су тасқыны кезеңі келе жатқандықтан қала және екі ауданның  әкіміне қарды уақытылы шығаруды, каналдар мен нөсерлік суағарларды тазалауды тапсырдым. Сондай-ақ аялдама павильондарын ретке келтіру қажет. Алдағы көктем мезгілінде қаламыздың таза және көрікті болуына баса назар аударатын боламыз.

• 29.02.2024
• 170