Энергетика вице-министрі А.Хасенов Батыс Қазақстан облысының тұрғындарымен кездесті

Қазақстанның энергетика вице-министрі Асхат Хасенов жұма күні Батыс Қазақстан облысының тұрғындарының алдында есеп беру кездесуін өткізіп,  министрліктің электр станцияларын жаңғырту, газбен қамтамасыз ету бойынша жүргізіп жатқан жұмыстары туралы айтып, тұрғындардың сұрақтарына жауап берді.

Қазіргі уақытта өңірдің электр және жылу энергиясына қажеттілігін "Жайықжылуэнерго" АҚ, "Батыс Пауэр" ЖШС, белгіленген электр қуаты 398,5 МВт және жылу қуаты 861 Гкал, "Орал газ турбиналық электр станциясы" ЖШС, сондай-ақ өз активтерінде 20,5 мың шақырым электр беру желілері және 154 қосалқы станциясы бар "БҚАЭЖК" ЖШС өңірлік энергия беруші компаниясы қамтамасыз етеді.

2023 жылы Орал қаласын жылумен жабдықтау тұрақтылығын арттыруға мүмкіндік берген ЖЭО су қабылдағышының РУ-3,15 кВ қайта құру жобасы аяқталды.

Өңірде "Орал қаласының ПДП "Ақжайық" ауданында 110/10 ҚС құрылысы" жобасы іске асырылуда. Нәтижесінде 50 мыңға жуық адам тұратын "Ақжайық" жаңа шағын ауданы электрмен жабдықталады. Бұдан басқа, ағымдағы жылы Орал қаласының ГТС-54 ауданында 110/10 КС құрылысы аяқталады, ол қолданыстағы қуаттарды ұлғайтуға және электрмен жабдықтау сенімділігін қамтамасыз етуге мүмкіндік береді.

Мұнай саласы туралы айтатын болсақ, Батыс Қазақстан облысы Атырау және Маңғыстау облыстарынан кейінгі мұнай өндіру көлемі бойынша республиканың үшінші мұнай өндіруші өңірі болып табылады, оның үлесіне ҚР бойынша жалпы мұнай өндірудің 13,7%-ы тиесілі.

Облыста мұнай өндіруді "Қарашығанақ Петролеум Оперейтинг Б.В.", "Жайықмұнай" ЖШС және "Орал Ойл энд Газ"ЖШС жүзеге асырады.

Болашақта өңірде мұнай өндіруді жылына 13-14 млн. тонна деңгейінде ұстау жоспарлануда.

Асхат Хасенов Батыс Қазақстан облысын газбен қамтамасыз ету мәселесіне де тоқталды. Бүгінгі таңда облысты газдандыру деңгейі республика бойынша ең жоғары деңгейдің бірі болып табылады және тұрғындардың 99,8% немесе 691 мыңнан астамын табиғи газбен қамтамасыз етеді. 7 ауылдық елді мекенді газдандыруға жобалық-сметалық құжаттаманы әзірлеу бойынша жұмыстар жүргізілуде.

Тауарлық газдың қосымша көлемін алу үшін қуаттылығы жылына 4 млрд. м3 дейінгі Қарашығанақ газ өңдеу зауытын салу бойынша жобалық жұмыстар жүргізілуде, оны 2028 жылы іске асыру жоспарланып отыр.

Сонымен қатар, 2023 жылдың желтоқсанында Рожковское кен орны (алынатын қорлар 26,9 млрд.м3 табиғи газ және конденсат 12,5 млн. тонна) өнеркәсіптік пайдалануға берілгенін атап өткен жөн, ол тауарлық газдан басқа, өңірді сұйытылған мұнай газымен қамтамасыз ете бастады.

Жалпы, өңірде көмірсутектердің жаңа кен орындарын іздеу мақсатында геологиялық барлау жұмыстары үшін перспективалы учаскелер бар. Бұл мәселе жер қойнауын пайдалану саласында басым болып табылады және Министрліктің ерекше бақылауында.

Сондай-ақ, вице-министр азаматтарды жекесұрақтары бойынша қабылдады.

Сонымен қатар, жұмыс сапары барысында "Батыс Қазақстан машина жасау компаниясы" ЖШС және "Орал сауда-өнеркәсіп компаниясы" ЖШС отандық зауыттарына барып, тапсырыстарды орналастыру мәселелерін талқылады.

Өңірді одан әрі газдандыру бойынша Батыс Қазақстан облысының әкімдігімен жеке кеңес өткізілді.

• 01.03.2024
• 170