Қанат Шарлапаевтың АҚШ Сауда палатасында Қазақстан-Америка Іскерлік Кеңесінің басшылығымен кездесуі

Қазақстан мен АҚШ арасындағы көпқырлы әріптестікті нығайту аясында ҚР Өнеркәсіп және құрылыс министрі Қанат Шарлапаев Қазақстан-Америка Іскерлік Кеңесінің (USKZBC) мүшелері және белгілі американдық компаниялардың өкілдерімен кездесті. Іс-шара АҚШ Сауда палатасында өтті, оған «Bechtel», «BHP», «Brownstein Hyatt Farber Schreck», «Chevron», «Morgan Stanley», «Turkish Airlines», «U.S. Chamber of Commerce» секілді іскер-топтың негізгі өкілдері, соның ішінде USKZBC атқарушы директоры Джениффер Милл де қатысты.

         АҚШ Сауда палатасы елдің жетекші бизнес-қауымдыстығы бола тұра, ұлттық және халықаралық деңгейде американдық іскер қауымдастықтың мүдделерін білдіріп, 3 миллионан астам компанияны біріктіреді. USKZBC Сауда палатысының аясында жұмыс істейді, екі ел үшін жаңа мүмкіндіктерді аша отырып, Қазақстан мен АҚШ арасындағы сауда және инвестициялық қарым-қатынастарды дамытуға ықпал етеді.

         Дөңгелек үстел барысында Қанат Шарлапаев сирек және сирек жер металдарын өндіру саласындағы ынтымақтастықтың стратегиялық әлеуетіне назар аудара отырып, Қазақстан мен АҚШ арасындағы көпжылдық және табысты серіктестіктің және өнеркәсіптік кооперацияны дамыту маңыздылығына тоқталды. Министр технологиялық ынтымақтастыққа инвестициялаудың негізгі бағыттарын атап, Қазақстанда батареялық шикізатты, оның ішінде никель, кобальт және марганецті өндіретін кластерді құрудың маңыздылығына ерекше көңіл бөлді. Инвестицияларды тарту мақсатында жер қойнауын пайдалану саласында жүргізіліп жатқан негізгі реформаларды ерекше атап өткен Министр АҚШ кен-тау өндіруші компанияларын жер қойнауын пайдалану бойынша алдағы аукциондарға қатысуға шақырып, инвестициялық жобаларды қолдаудың кепілі ретіндегі ҚР Премьер-министрінің бірінші орынбасары төрағалық ететін Инвестициялық штабтың маңызды рөлін белгіледі.

Бұл іс-шара екіжақты қарым-қатынастар тарихының жаңа бетін ашып, екі жақтың да терең және жемісті ынтымақтастыққа дайындығын растады. Дөңгелек үстел Қазақстан мен АҚШ арасындағы экономикалық әріптестікті нығайтуға көмектесетін өнеркәсіптік және сауды байланыстарын одан әрі кеңейтуге өзара мүдделіктің айқын көрсеткіші болды.

• 05.03.2024
• 174