Ғылымдар қиылысындағы серіктестік: Қанат Шарлапаевтың U.S. Geological Survey Директорымен кездесуі

Қазақстан мен Америка Құрама Штаттары арасындағы екіжақты қарым-қатынастарды оддан әрі нығайту аясында ҚР Өнеркәсіп және құрылыс министрі Қанат Шарлапаев АҚШ Геологиялық қызметінің (U.S. Geological Survey) Директоры Дэвид Эпплгейтпен кездесті.

         Бұл сапар Қазақстанның өнеркәсіптік дамуы үшін стратегиялық маңызы бар геология саласындағы, әсіресе аса маңызды минералдарды табу өндіру аясында, тау-кен секторындағы екі елдің ынтымақтастығын дамытудағы маңызды қадамды білдіреді.

Кездесу барысындағылыми-зерттеу саласындағы ынтымақтастық перспективалары талқыланды. Қазақстандық геологиялық зерттеулер мен әзірмелердің тиімділігін арттыру үшін АҚШ Геологиялық қызметінің озық технологиялары мен әдістерін пайдалану мүмкіндігіне ерекше назар аударылды.

«Сонымен қатар, біздің елдер арасында тарихи тығыз сауда, соның ішінде маңызды минералдар саласында байланыстар қалыптасқанын атап өткім келеді. Біз сирек және сирек жер металдарын өндіруде бірегей құзыреттері бар мемлекетпіз», – деді Министр.

Сондай-ақ Қанат Шарлапаев АҚШ-тың геологиялық қызметі анықтайтын аса маңызды минералдардың 50 түрінің 17-сі Қазақстанда бар екенін ескере отырып, аса маңызды пайдалы қазбалардың кен орындарын барлау және игеру тұрғысында қазіргі ынтымақтастықты кеңейтудің маңыздылығы мен мүмкіндіктерін ерекше атап өтті. 

Келешекте ынтымақтастықтың негізгі бағыттары геологиялық барлауды дамытуға, сирек және сирек жер металдарын өндіру мен өңдеуге, сондай-ақ озық технологиялар мен білім арқылы Қазақстанның әлемдік құн тізбегіне интеграциялануына инвестиция тарту болады.

Бұл кездесу Қазақстан мен АҚШ арасындағы өндірістік және ғылыми байланыстарды одан әрі дамыту мен тереңдету үшін жаңа мүмкіншіліктерді көрсетіп, екі елдің мүддесі үшін табиғи ресурстарды бірлесіп зерттеуге және пайдалануға деген ұмтылысты растайды.

• 05.03.2024
• 172