ҚАЗАҚСТАН ХАЛЫҚАРАЛЫҚ АРЕНАДАҒЫ ПОЗИЦИЯСЫН НЫҒАЙТЫП КЕЛЕДІ: ҚАНАТ ШАРЛАПАЕВТЫҢ КАНАДАҒА ЖҰМЫС САПАРЫ

ҚР Өнеркәсіп және құрылыс министрі Қанат Шарлапаев Канаданың Торонто қаласына жұмыс сапарымен келді. Сапардың негізгі мақсаты - пайдалы қазбаларды барлау мен өндіруге арналған PDAC-2024 халықаралық конференциясына қатысу.

Сапар аясында Министр PDAC-2024 көрмесіндегі Қазақстан Ұлттық павильонының ресми ашылу салтанатына қатысады. Бұл шараға қатысу геологиялық саланы дамыту және Қазақстанның осы саладағы халықаралық ынтымақтастығын нығайту үшін маңызды қадам болып табылады.

Одан бөлек жұмыс сапарының бағдарламасында «B2Gold», «First Quantum Minerals», «Nutrien», «Arras Minerals», «New Age Metals», «Ion Energy», «Barrick Gold», «Teck Resources» сияқты пайдалы қазбаларды өндіру саласындағы жетекші компаниялардың өкілдерімен бірқатар маңызды екіжақты кездесулер өткізілмек. Талқыланатын тақырыптар ұзақ мерзімді ынтымақтастық пен өзара инвестиция мүмкіндіктеріне қатысты.

Өнеркәсіп және құрылыс министрінің Қазақстан-Канада іскерлік кеңесінің отырысына және табиғи ресурстар министрлерінің халықаралық саммитіне қатысуына ерекше назар аударылады. Бұл платформалар тәжірибе алмасуға және табиғи ресурстарды барлау және пайдалану саласындағы ынтымақтастықтың стратегиялық бағыттарын тұжырымдауға бірегей мүмкіндік береді.

Қанат Шарлапаевтың PDAC-2024 халықаралық конференциясына қатысуы Қазақстанның геология және пайдалы қазбаларды өндіру саласындағы халықаралық аренадағы белсенді рөлін, сондай-ақ ынтымақтастық шекараларын кеңейтуге және ел экономикасына шетелдік инвестицияларды тартуға ұмтылысын атап көрсетеді.

• 05.03.2024
• 235