Үкімет Астана агломерациясын дамытудың 2024 – 2028 жылдарға арналған Кешенді жоспарының жобасын мақұлдады

Бүгін Премьер-Министр Олжас Бектеновтың төрағалығымен өткен Үкімет отырысында Премьер-Министрдің орынбасары – Ұлттық экономика министрі Нұрлан Байбазаров Астана агломерациясын дамытудың 2024 – 2028 жылдарға арналған Кешенді жоспарының жобасын ұсынды.

Астана агломерациясы
10 жыл ішінде елорда халқы 46%-ға өсті
Болжамды деректер бойынша 2035 жылға қарай Астанада 2,3 млн адам тұрады
Маятниктік көші-қон күн сайын 200 мың адамды және 30 мың автокөлікті құрайды

Нұрлан Байбазаровтың айтуынша, елордада инфрақұрылымның барлық түрлеріне жүктеменің ұлғаюына, қаланың шет аймақтарының кеңеюіне, ыңғайлы көлік жүйесінің болмауына және әлеуметтік объектілердің тапшылығына алып келетін бірқатар проблемалар бар. Оларды шешу үшін әзірленген кешенді жоспарда бірқатар жүйелі шаралар көзделген.

Құжатта қарастырылған
329 іс-шара
6 бағыт (қала құрылысын дамыту, әлеуметтік және инженерлік-көлік инфрақұрылымын жаңғырту, экологиялық тұрақтылықты, қауіпсіздікті қамтамасыз ету және төтенше жағдайлардың алдын алу)
Қаржыландырудың жалпы көлемі – 1,13 трлн теңге

Кешенді жоспардың негізгі іс-шаралары
Бірыңғай қала құрылысы саясатын әзірлеу, агломерация құрамында елді мекендердің шекараларын белгілеу, ауданы 940 гектар болатын экоқалашықтар құру
Қосшы қаласында 1 200 орындық мектеп, 280 орындық балабақша және 350 төсек-орындық көп бейінді аурухана, сондай-ақ елордада 900 студентке арналған тау-кен техникалық колледжін мен балаларды оңалту орталығын салу
6 логистикалық кешен, электровоздарға қызмет көрсету бойынша сервистік орталық салу. 400 км жолды жөндеу әрі 300 км жол салу, 4 көпірді қайта жаңарту
70 км кәріз жүйесін, 500 км сумен жабдықтау және су бұру желілерін, 800 км электр беру желілерін, 3 қазандықты, 30 км жылу желілерін және 1 100 км газ құбырын салу және реконструкциялау
Аршалы ауданында азық-түлік өнімдерін өндіретін 25 нысан, өнеркәсіптік тауарлар өндіретін 12 кәсіпорын салу және ауданы 300 гектар болатын индустриялық аймақты құру
7 өрт сөндіру депосын салу, халықты хабардар ету жүйесін құру, қуаттылығы жылына 40 мың тонна 5 қатты тұрмыстық қалдықтар сұрыптауға арналған жабдықтарды сатып алу

2029 жылға қарай күтілетін нәтижелер
3 мыңнан астам жұмыс орнын құру
70 мың адамды медициналық қызмет көрсетумен қамтамасыз ету
Өңдеу өнеркәсібінде өнім шығару көлемін 120%-ға дейін ұлғайту
жақсы және қанағаттанарлық жағдайдағы жолдардың үлесін 55-тен 70%-ға дейін арттыру

• 05.03.2024
• 221