Үздік тәжірибелер орталығы: Қарағанды облысында емханалардың жұмысын жақсарту жолдарын іздеуде

Өздеріңіз білетіндей, жақында мен бірнеше емхананы жоспардан тыс тексерген болатынмын. Бұған әлеуметтік желілерде және қала тұрғындарымен жеке кездесулер барысында шағымдардың айтылуы  себеп болды.
Сол кезде тексеру қорытындысы бойынша денсаулық сақтау басқармасының басшылығына пациенттерге қызмет көрсетуді жақсарту жөнінде тапсырма бердім.
Бүгін маған осы бағытта жасалып жатқан жұмыстар жайлы есеп берілді.   
№ 3 емханада пилоттық жоба ретінде Үздік тәжірибелер орталығы құрылды. Мұнда жайлы күту аймақтары, пациенттерді қолдау кабинеті пайда болды. Онда шағымдар мен туындаған барлық мәселелер «осында және қазір» қағидаты бойынша жылдам шешіледі. Жаңа жүйе пациенттерге сапалы қызмет көрсетуге және көпсалалы тәсілге негізделген. Жаңа жобалардың бірі – «Пациенттердің көзімен алғашқы 5 минут» деп аталады. Бұл тәсіл келген адамдардың ағынын реттеп, кері байланысты жақсартуға мүмкіндік береді.

Сонымен қатар, пациенттердің әлеуметтік жағдайына ерекше назар аударылады, өйткені орталықтар отбасылық медицинаға бағытталған. Тағы бір қарастырылатын аспект – халықтың медициналық сауаттылығын арттыру. Бұл үшін дұрыс тамақтану, алғашқы медициналық көмек және т.б үйрететін денсаулық мектептері ашылды.

Бұл тәжірибе алғашқы медициналық - санитарлық көмекті реформалауға көмектеседі. Мұндай орталықтар облыстың барлық емханаларында енгізілуі тиіс. Бұл тәсілді облысымыздың барлық қалалары мен аудандарына тарататын боламыз.

Сондай-ақ қамқоршы медбикелермен және әлеуметтік қызметкерлермен жүздестім. Олар өз жұмысының ерекшеліктері мен мәселелері туралы айтты.
Шынымды айтсам, жүргізіліп жатқан жұмыстар ауқымы мені таңқалдырды. Бұл өте маңызды және жауапты жұмыс. Медбикелер мен әлеуметтік қызметкерлер - өз ісінің нағыз шеберлері. Осы мүмкіндікті пайдалана отырып, медицина және әлеуметтік қызметкерлерге олардың еңбектері мен тұрғындарымыздың денсаулығын сақтауға қосып жатқан үлестері үшін алғыс айтқым келеді.

• 15.03.2024
• 202