Наурызнама: Жаңару күні Нұрлан Ноғаев тұрғындармен бірге ағаш екті

Биыл Наурыз мерекесі 10 күн тойланады. Бүгін "Наурызнама" жалпы республикалық он күндік акцияның алтыншы күні - Жаңару күні. Оның ерекшелігі сонда - ел бойынша ағаш егу шаралары өтті. Ақтау, Маңғыстау, Бейнеу және Түпқараған аудандарында да жас ағаштар егілді. Нұрлан Ноғаев Ақтаудағы Достық үйінің аумағына ағаш отырғызу шарасына қатысты, деп хабарлайды Маңғыстау облысы әкімінің баспасөз қызметі.

Іс-шараға мемлекеттік мекемелердің басшылары, іскер әйелдер кеңесінің, этномәдени бірлестіктердің өкілдері, мұғалімдер, студенттер, оқушылар, сондай-ақ коммуналдық сала өкілдері қатысты. Акцияға қатысуға келген адамдар қылқан жапырақты және жеміс көшеттерін отырғызды. Егер ағаштар жақсы өссе, тамшылатып суару әдісімен суарылады.

Нұрлан Ноғаев ағаш егу дәстүрінің терең маңызы бар екенін және біздің мәдениетіміздің ажырамас бөлігі екеніне тоқтала келе бұл табиғатқа деген қамқорлық пен оның байлығын болашақ ұрпақ үшін сақтайық деген ізгі ниет екенін атап өтті.

"Мемлекет басшысы Қасым-Жомарт Тоқаев атап өткендей, “біз рухани тамырымыздан ажырамай, өзіміздің ұлттық бірегейлігімізді жоғалтпауымыз керек. Біз тек өз ата-бабамыздың діни білімі мен рухани бағытына сүйенуіміз керек. Сондықтан Наурыз мейрамының мәнін арттырып, оның мағынасын байыта түсу маңызды. Наурыз мейрамы бәрімізге қоршаған ортаға ұқыпты қараудың маңыздылығын ұқтырып, табиғатты қорғап, оны сақтау жақсарту - әрқайсымыздың міндетіміз екенін еске салады. Біздің аймақтағы ағаштарға күтім жасау дегеніміз аймақтаеы қатты жел мен аптап ыстықты ескергенде ауыр жұмыс екенін білеміз. Біз мықты мамандардың еңбегі сіңген ботаникалық бағымызды мақтан етеміз. Жаңару күні наурызнаманы мерекелеу аясында мен әрбір бағбанға, біздің табиғатымызға қамқор болған әрбір адамға, өз ауласына ағаш отырғызып, күтіп-баптаған әрбір адамға алғысымды білдіргім келеді. Баға жетпес еңбектеріңіз үшін рахмет! Баршаңызды келе жатқан Наурыз мерекесімен құттықтаймын!"- деді Нұрлан Ноғаев.

Осы көктемде бүкіл аймақ бойынша 180 мыңнан астам көшет егіледі.

"Биыл 4500 жапырақты ағаш, 2650 қылқан жапырақты ағаш, 3600 раушан, 20 000 бұта және 150 000 гүл егу жоспарланған. Биыл бұл бау-бақшалар суару құбырларының орталық желісі арқылы, сондай-ақ шағын аудан ішіндегі су құбырларын пайдалана отырып суарылады. Бұл шаралар Маңғыстау облысының елді мекендерін көгалдандыру мен жасыл аймақтарды құрудың 2021 жылдан 2025 жылға дейінгі кезеңге арналған өңірлік жоспарының негізіне кіреді", - деді табиғат пайдалану және табиғи ресурстар басқармасының басшысы Әсел Балманова.

Естеріңізге сала кетейік, Наурыз мерекесі 2024 жылдан бастап жаңа форматта тойланып келеді. 14 наурызда Наурызнамның онкүндігі басталды, ол 23 наурызға дейін жалғасады. Онкүндіктің әр күні өзінің қасиетті мәніне және негізгі ерекше мағынасына ие. Мереке күндері миллиондаған қазақстандықтар белсенді қатысатын қайырымдылық іс-шаралар өтеді.

• 20.03.2024
• 188