Елордалық ТМРКД жылу мен жарық үшін артық төлемдер бойынша түсініктемесі

Жақында елорда тұрғындары 2024 жылдың қаңтар айындағы түбіртектерді алып, жылу мен электр энергиясы үшін артық төлемдерді байқады.

Қазақстан Республикасы Ұлттық экономика министрлігі Табиғи монополияларды реттеу комитетінің Астана қаласы бойынша департаменті өз кезегінде, жылу және электр энергиясы үшін салыстырмалы түрде жоғары шоттар бойынша, құзыреті шегінде келесіні хабарлайды.

Елордада жылумен жабдықтау қызметін «Астанаэнергосбыт» ЖШС көрсетеді.

«Астанаэнергосбыт» ЖШС тарифі 2024 жылғы 1 қаңтардан бастап, еңбекақы төлеуге арналған шығыстардың ұлғаюы, стратегиялық тауар құнының өсуі және көрсетілетін қызметтер көлемінің ұлғаюы ескеріле отырып түзетілді. Жылу энергиясының тариф деңгейі жылу энергиясын өндіруге, тасымалдауға және жеткізуге қажетті шығындар деңгейіне байланысты.

Сонымен қатар, жылумен жабдықтау тарифінің деңгейі ең алдымен отын түрінің (газ, мазут, көмір) құнына байланысты, оның құрылымында ол негізгі үлесті алады. Тиісінше, отын бағасының өзгеруі, сондай-ақ оларды тасымалдау жылумен жабдықтау қызметіне соңғы тарифтің өзгеруіне әкелді.

Сондай-ақ, «Астанаэнергосбыт» ЖШС тариф құрылымында шығындардың 97% «жылу энергиясын өндіруге арналған шығындар» («Астана-Энергия» АҚ) және «жылу энергиясын беруге арналған шығындар» («Астана-Теплотранзит» АҚ) алады.

Жоғарыда аталған факторларды ескере отырып, жылу энергиясымен жабдықтау бойынша «Астанаэнергосбыт» ЖШС-ның халық үшін тарифі 20% - ға өзгерді (ҚҚС-сыз тариф Гкал үшін 2765,18 теңгеден Гкал үшін 3318,22 теңгеге дейін).

Сонымен қатар, соңғы чекке тарифтің өсуі ғана емес, сыртқы ауа температурасы да және соның салдарынан тұтынылған көлемнің ұлғаюы да әсер еткенін атап өткен жөн. Яғни, сыртқы температура неғұрлым төмен болса, жылу энергиясын тұтыну соғұрлым көп болады. Мысалы, өткен жылдың желтоқсанында орташа айлық температура -8,9 градус, ал ағымдағы жылдың қаңтарында -11,9 градус болды. Тиісінше, жылу энергиясын тұтынушылар жыл басынан бері өзгертілген тарифті ескере отырып, өткен айлардағы түбіртектерде белгілі бір айырмашылықты көрді.

Электрмен жабдықтау үшін көтерілген шоттарға қатысты

Астана қаласының тұтынушылары үшін «Астанаэнергосбыт» ЖШС электр энергиясын өткізу жөніндегі жалғыз реттелетін субъекті болып табылады. Жылыту кезеңінде «Астанаэнергосбыт» ЖШС электр энергиясын бөлшек саудада өткізу жөніндегі қызметінің бағасы өзгерген жоқ.

Электр энергиясы бойынша есептеу электр энергиясының нақты тұтынылған көлемі үшін, есептеу аспаптарының көрсеткіштері негізінде жүргізіледі. Жекелеген жағдайларда есептеу аспаптарының көрсеткіштерін дұрыс бермеу жағдайлары болуы мүмкін.

Осы жағдайда Астана қаласы бойынша ТМРКД есептеу аспаптарының көрсеткіштері мен есептеулер дұрыс еместігі анықтаған болса, тұтынушының Қазақстан Республикасы Ұлттық экономика министрлігі Табиғи монополияларды реттеу комитетінің Астана қаласы бойынша департаментіне Петров көшесі, 5-үй мекенжайы бойынша немесе «е-Otinish» азаматтардың барлық өтініштерін қабылдау мен өңдеудің бірыңғай платформасы арқылы жүгіну мүмкіндігі бар екенін хабарлайды.

Тұтынушының дәлелдері расталған жағдайда, Департамент жоспардан тыс тексеру нәтижелері бойынша ҚР заңнамасы шеңберінде шаралар қабылдайтын болады.

Бұл ретте, бүгінгі күні келіп түскен өтініштер негізінде ТМРКД монополист-субъектіге қатысты жоспардан тыс тексеру ашылады деп хабарлаймыз.

Астана қаласы бойынша Табиғи монополияларды реттеу департаменті тұтынушылар мен табиғи монополиялар субъектілері мүдделерінің теңгеріміне қол жеткізу шеңберінде реттелетін коммуналдық қызметтерді сапалы көрсетуді қамтамасыз ету үшін бар күшін салады.

• 20.03.2024
• 273