Облыста негізгі өзендер мен олардың салаларының қозғалысы басталды

Аймақтың 60% - ы әлі де қар астында.

ТЖД бастығы Мұрат Қатпановпен Бұқар жырау, Қарқаралы, Шет және Абай аудандарының аумағындағы Нұра және Шерубай-Нұра өзендерінің арналарын, сондай-ақ Ақтоғай ауданының маңын, Қарағанды қаласының шеті мен  Федоровка су қоймасының жанындағы саяжайлар бойымен өтетін Соқыр өзенінің арнасын тексердік.

Кешке қалалар мен аудандардың әкімдерімен  жұмыс кеңесін өткіздім. Облыстық және жергілікті маңызы бар кейбір жолдарда, сондай-ақ үй аумақтарында еріген қар суының ағу жағдайлары орын алды.

Қазіргі уақытта біз тасыған суды сору және жолдарды қалпына келтіру жұмыстарын жүргізудеміз. ТЖД күштерімен тұрғын үйлерді еріген қар суының басуына жол бермеу үшін шамамен 11,5 мың текше метр су сорылды. Бұл жұмыстарға  жеке құрамның 234 адамы және 115 техника жұмылдырылды.

Біздің барлық қызметтеріміз қазір тәулік бойына жұмыс істеуде. Үйлердің су астында қалмауына назар аударылуда. Жедел штаб жұмыс істейді.
Су басу қауіпі және еріген судың жиналуы туралы ақпаратты сіздер  мына телефондар арқылы хабарлай аласыздар: (8-7212) 43-36-36, 43-37-37 немесе 112.

• 29.03.2024
• 158