Парижде Ұлттық байланыс орталығының жұмысын бағалау нәтижелері таныстырылды

Ағымдағы жылдың 6-7 наурызында Парижде бизнесті жауапты жүргізу мәселелері жөніндегі жұмыс тобының отырысы өтті. Онда Қазақстанның ұлттық байланыс орталығының (ҰБО) сараптамалық бағалауының қорытындылары мен нәтижелері таныстырылды. Шараға 50-ге жуық елдің делегаттары қатысты.

Қазақстан Республикасының Ұлттық экономика бірінші вице-министрі Тимур Жақсылықов орталықтың қызметі және Қазақстанда бизнесті жауапты жүргізу стандарттарының (БЖЖС) таралуы туралы баяндады.

2023 жылдың қазан айында ЭЫДҰ Хатшылығы Франция, Оңтүстік Корея және Египет ҰБО өкілдерін тарта отырып Қазақстанның ҰБО сараптамалық бағалауын жүргізді. Мақсаты – Қазақстандағы ҰБО жұмысының ЭЫДҰ Басшылық қағидаттарының негізгі өлшемдеріне сәйкестігін анықтау, сондай-ақ оның тетігін жетілдіру бойынша ұсынымдар әзірлеу.

Өз кезегінде ЭЫДҰ Хатшылығы Қазақстанның бизнесті жауапты жүргізу стандарттарын ілгерілетуге және осы тәсілдерді кәсіпкерлікті дамытудың мемлекеттік саясатына белсенді енгізуге басымдық беру бойынша күш-жігерін атап өтті.

Сондай-ақ, отырыс барысында сараптамалық бағалау жүргізу Ережелерін өзгерту, алдағы екі жылға арналған БЖЖС бойынша саяси ландшафтты, климат пен жасанды интеллектті анықтау мәселелері талқыланды.

Іс-шара қорытындысы бойынша ЭЫДҰ ұсынымдарын ескере отырып, Қазақстандағы ҰБО жұмысының 2024-2025 жылдарға арналған негізгі бағыттары әзірленіп, алдағы жоспарлар келісілді.

• 29.03.2024
• 195