2024 жылғы 29 наурызда Астана қаласы Бейбітшілік және келісім сарайында Қазақстан халқы Ассамблеясы Кеңесінің кеңейтілген отырысы өтті.

2024 жылғы 29 наурызда Астана қаласы Бейбітшілік және келісім сарайында Қазақстан халқы Ассамблеясы Кеңесінің кеңейтілген отырысы өтті.

Отырысқа Қазақстан Республикасы Президентінің ішкі саясат мәселелері және коммуникациялар жөніндегі көмекшісі Руслан Желдібай, Қазақстан Республикасы Мәдениет және ақпарат министрі Аида Балаева, Қазақстан халқы Ассамблеясы Төрағасының орынбасары – Қазақстан Республикасы Президентінің Әкімшілігі ҚХА Хатшылығының меңгерушісі Марат Әзілханов, Қазақстан Республикасы Парламентінің депутаттары және Қазақстан халқы Ассамблеясы Кеңесінің мүшелері қатысты.

Өзінің алғы сөзінде Руслан Желдібай Қазақстан халқы Ассамблеясының қоғамдағы ұлттық және отбасылық құндылықтарды сақтаудағы ерекше рөлін, сондай-ақ Ассамблеяның Қазақстан халқының қоғамдық келісімі мен жалпыұлттық бірлігін нығайтуға және сақтауға қосқан баға жетпес үлесі туралы атап өтті.

Кеңестің кеңейтілген отырысында Қазақстан Республикасы Президенті Қ.Тоқаевтың Қазақстан халқы Ассамблеясының ХХХІІ сессиясында, сондай-ақ Ұлттық құрылтайдың III отырысында айтылған тапсырмаларын іске асыру мәселелері талқыланды.

Ассамблея Төрағасының қоғамдық орынбасарлары қызметінің қорытындылары туралы есептер тыңдалды. Қазақстан халқы Ассамблеясының ХХХІІІ сессиясын өткізу қарсаңында бірқатар ұйымдастырушылық мәселелер талқыланып, шешімдер қабылданды. Атап айтқанда, ҚХА Төрағасының қоғамдық орынбасарларының кандидатуралары ұсынылды, ҚХА-ның республикалық және өңірлік құрамдары, «Жомарт Жан» өңірлік орталықтары туралы ереже, этномәдени бірлестіктерге олардың жұмысын ұйымдастыру жөніндегі ұсынымдар, ҚХА этномәдени бірлестіктерін қоғамдық аккредиттеу қағидалары және басқалары бекітілді.

Сонымен қатар, ҚР Парламентінің «Бір ел – бір мүдде» депутаттық тобының Қазақстан халқы Ассамблеясы Кеңесінің мүшелерімен кездесуі өтті.

Кездесуде барысында ҚР Парламентінің «Бір ел – бір мүдде» депутаттық тобының Қазақстан халқының этносаралық келісімі мен бірлігін қамтамасыз ету  барысындағы қызметі талқыланды

• 29.03.2024
• 172