Энергетика вице-министрі еліміздің энергетика саласын дамыту мен жаңғырту туралы айтты

3 сәуірде Орталық коммуникациялар қызметі алаңында ҚР Энергетика вице-министрі Сұңғат Есімханов ауқымды инфрақұрылымдық бастамаларды жүзеге асыру, атап айтқанда, жұмыс істеп тұрған жылу көздерін және коммуналдық инженерлік желілерді жаңғырту туралы айтты.

Бұған дейін Мемлекет басшысы Қ.Тоқаев Ұлттық Құрылтайдың үшінші отырысында сөйлеген сөзінде 55 жұмыс істеп тұрған жылу көзін жөндеу және кемінде 6,5 мың км инженерлік желілерді жаңғырту қажеттігін ерекше атап өтті.

Бүгінгі таңда энергетикалық сектордың инвестициялық тартымдылығын арттыру және үздіксіз генерациялауды қамтамасыз ету үшін қайтарымды инвестициялардың жылдық лимиті 32 млрд. теңгеден 428 млрд. теңгеге дейін және электр қуаты нарығында шекті тариф айына 1 МВт үшін 590 мың теңгеден 1,065 млн теңгеге дейін ұлғайтылды, сондай-ақ 24 энергия өндіруші ұйым үшін электр энергиясына шекті тарифтер түзетілді, онда тарифтердің орташа өсуі 20%-ды құрады.

Аталған шаралар ағымдағы жылда шамамен 327 млрд теңге тартуға мүмкіндік береді, оның ішінде:

- электр энергиясына тариф есебінен ағымдағы жөндеу жұмыстарын жүргізуге -94 млрд. теңге;

- электр қуаты нарығы шеңберіндегі инвестициялар - 134,7 млрд теңге;

- амортизациялық аударымдар есебінен инвестициялар-98 млрд. теңге.

Алдағы жылыту маусымына дайындық үшін электр станцияларында 10 энергоблокты, 55 қазандықты және 45 турбинаны күрделі жөндеу жоспарланған. Бүгінгі күні жөндеу жұмыстары 2 энергоблокта, 7 қазандықта және 4 турбинада жүргізілуде. 1 турбинада жөндеу жұмыстары аяқталды. Жөндеу жұмыстарын қаржыландыру электр және жылу энергиясының тарифі, сондай-ақ бюджеттік қаржыландыру есебінен қамтамасыз етілді.

Электр желілерінде 2024 жылға жалпы ұзындығы 20 857 км электр беру желілерін, 423 бірлік кіші станцияны, 4 057 бірлік тарату пункттерін және трансформаторлық кіші станцияларды күрделі жөндеу жоспарланған. Оның ішінде, жалпы ұзындығы 1 619 км ұлттық электр беру желілерін және "KEGOC" АҚ-ның 30 кіші станциясын күрделі жөндеу жоспарланған.

Қазіргі уақытта инвестициялық келісімдер бойынша Екібастұз ГРЭС-1-де №1 энергоблокты қалпына келтіру, Атырау ЖЭО-да №6 турбоагрегатты ауыстыру, Топар ГРЭС-те №3 турбоагрегатты ауыстыру жұмыстары жүргізілуде.

Энергетика министрлігімен жасалған инвестициялық келісімдер шеңберінде Екібастұз ГРЭС-те қуаты 600 МВт №3 блокты салу (2027 ж.), Қарағанды ​​ЖЭО-3-те қазандық агрегатын салу және турбинаны ауыстыру (2026 ж. 120 МВт) және қуаты 85 МВт енгізе отырып, жаңа қазандық агрегаты мен турбинаны салу арқылы Өскемен ЖЭО-ны кеңейту жобалары іске асырылатын болады.

• 04.04.2024
• 221