Біз халықтың тұрмыс сапасын көтеру және әл-ауқатын жақсарту жұмыстарын күшейтуіміз керек

Облыс әкімі Оңдасын Оразалин Қоғамдық кеңес алдында есеп берді. Өңір басшысы облыстың 2020 жылғы әлеуметтік-экономикалық дамуының нәтижелеріне қысқаша тоқталып, оларды шешуге шоғырландырылған күш-жігерді қажет ететін ең өзекті мәселелерге тоқталды, сондай-ақ ағымдағы жылға арналған міндеттерді баяндады.

Оңдасын Оразалин: «Коронавирус пандемиясы бүкіл әлемдік экономикаға кері әсерін тигізбей қоймады. Біз экономиканың күрт төмендеуіне жол бермейтін және әрі қарай қалпына келтіретін шаралар қабылдадық. Жағдай тұрақтандырылды: негізгі әлеуметтік-экономикалық көрсеткіштер бойынша оң динамика бар. Атап айтқанда,​ өнеркәсіптік кәсіпорын 1,8 трлн. теңгенің өнімін өндіріп, 646,8 млрд. теңге инвестиция тартылды»- деп атап өтті.

• 08.02.2021
• 281