Жаңа өндірістік компаниялар үшін ҚҚС 2 жыл ішінде төмендетіледі

Инвестицияларды ынталандыру және экономиканың өсуі жөніндегі шұғыл шаралар пакеті жаңа инвестициялық циклды қалыптастыру және іскерлік белсенділікті ынталандыру үшін қосымша ынталандырулар жасауға мүмкіндік береді. Ынталандыру шаралары мыналарды қамтиды:

бірыңғай төлеммен бесеуінің орнына бірыңғай ставканы белгілей отырып, еңбекақы төлеу қорына жүктемені төмендету;

жаңа өндірістік компаниялар үшін 2 жыл ішінде ҚҚС-ты азайту;

қайта инвестициялауға бағытталған табыстың бір бөлігін корпоративтік табыс салығынан босату;

жеке кәсіпкерлер үшін салық міндеттемелерін тіркеуді және орындауды оңайлату;

қоғамдық тамақтану саласы үшін 6% ставка бойынша бөлшек салық режимін енгізу.

Осы шараларды іске асыру мақсатында бірінші тоқсанда тиісті заң жобасы әзірленіп, ҚР Парламенті Мәжілісіне енгізілетін болады.

Сондай-ақ, инвестициялық келісімдер жасасу үшін қызметтің басым түрлерінің тізбесін кеңейту жөніндегі жұмыс шеңберінде Ұлттық экономика министрлігі мүдделі мемлекеттік органдармен бірлесіп экономика салаларының тізімін кеңейтетін болады. Негізінен бұл өңдеу өнеркәсібі, АӨК, машина жасау, тамақ және дайын өнім өндіру мен терең өңдеу бойынша басқа да салалар.

"Таза парақтан" реттеу шеңберінде бизнес-қоғамдастықпен және "Атамекен" ҰКП-мен бірлесіп талаптарды түбегейлі қайта қарау жүзеге асырылады және сауда, ауыл шаруашылығы, көлік, тұру және тамақтану жөніндегі қызметтерді қамтитын экономиканың төрт басым саласында эксперименттік құқықтық режим енгізіледі. Осы жұмыстың нәтижелері бойынша осы жылдың 1 маусымына дейін тиісті заң жобасы әзірленіп, ҚР Парламенті Мәжілісіне енгізіледі.

Бұдан басқа, микроқаржы ұйымдарын "Бизнестің жол картасы - 2025" мемлекеттік бағдарламасына қосу қамтамасыз етіледі. Барлық шаралар бойынша сарапшылар қауымдастығын, "Атамекен" Ұлттық кәсіпкерлер палатасын тарта отырып, талқылаулар өткізіледі.

Әзірленген шұғыл шаралар экономикалық өсуді қалпына келтіру жөніндегі мемлекеттік комиссияның қарауына енгізілетін болады.

Ұлттық даму жоспары жаңа шынайылық жағдайында елдің орнықты және сапалы дамуының стратегиялық бағыттарын белгілейді. Барлық үш блок: институционалдық, экономикалық және әлеуметтік бойынша ұлттық даму жоспарын тиімді және уақтылы іске асыру қамтамасыз етіледі.

Институционалдық блок шеңберінде Заңның нақты үстемдігін қамтамасыз ету, "Халық үніне құлақ асатын мемлекет" тұжырымдамасын толыққанды іске асыра отырып, мемлекеттік басқарудың қазіргі заманғы моделін құру жөніндегі нақты шаралар жүзеге асырылатын болады.

Нәтижесінде, 2025 жылға қарай Қазақстан "Қоғамдық тәртіп және қауіпсіздік" рейтингінде топ-30-ға кіреді, мемлекеттік аппарат пен мемлекеттік сектор саны 25% - ға қысқарады; барлық мемлекеттік қызметтерді электрондық форматта алуға болады.

Әлеуметтік блок шеңберінде денсаулық сақтау және білім беру жүйелерін дамыту, сондай-ақ инклюзивті қоғамды қалыптастыру бойынша жұмыс жалғасады.

Жоспарланған іс-шараларды іс жүзінде іске асырудың қорытындысы денсаулық сақтауды қаржыландыруды ЖІӨ-ден 5% - ға дейін ұлғайту; 3 жастан 6 жасқа дейінгі балаларды мектепке дейінгі тәрбиемен және оқытумен жүз пайыз қамту, авариялық және үш ауысымды мектептерді жүз пайыз жою; академиялық артықшылықтың 20 орталығын құру; жыл сайын 700 мың азаматты жұмыспен қамтудың белсенді нысандарымен қамтамасыз ету болады.

Экономикалық блок шеңберінде экономиканың өзіндік жеткіліктілігі мен әртараптандырылуын арттыру, бизнесті ашу және жүргізу үшін қолайлы жағдайлар жасау, жаңа инвестициялық цикл қалыптастыру, сапалы цифрландыру және экспортты белсенді ілгерілету арқылы оның жаңа құрылымын қалыптастыру қамтамасыз етілетін болады.

Сыртқы нарықтарға бағдарланған өзін-өзі қамтамасыз ететін экономиканы дамыту жөніндегі шараларды іске асыру 2025 жылға қарай өңдеуші өнеркәсіп өнімінің көлемін 1,5 есеге, АӨК экспортындағы қайта өңделген өнімнің үлесін 70% - ға дейін ұлғайтуға, 350 мың фермерлік және үй шаруашылықтарын тарта отырып, ауыл шаруашылығы өнімін өндіру және қайта өңдеу жөніндегі 7 ірі экожүйені құруға мүмкіндік береді.

Сондай-ақ озық технологияларды экономиканың барлық салаларына терең интеграциялау бойынша жұмыс күшейтілетін болады. Экономика салаларын цифрландыру, жасанды интеллект және Big Data элементтерін енгізу жөніндегі шараларды іске асыру жалғасады. Ел халқының 99% - ы сапалы интернетке қол жеткізе алады.

IT-секторына инвестициялар 6 есеге ұлғайтылады. Бұл IT-саласында 100 мыңға жуық жаңа жұмыс орындарын құруға мүмкіндік береді.

"Жасыл технологиялардың" трансферті мен бейімделуі, сондай-ақ отандық ғылыми-технологиялық және инновациялық базаны дамыту қамтамасыз етіледі.

Кәсіпкерлік қызметті қолдау және ынталандыру мақсатында ШОБ-тың өсуі мен дамуы үшін мүмкіндіктерді кеңейту, саламатты бәсекелестік ортаны қамтамасыз ету, экономиканы мемлекет иелігінен алу жөніндегі шаралар іске асырылатын болады. ШОБ үлесі елдің ЖІӨ-де 35% - ға дейін артады.

Мемлекеттің экономикадағы үлесі 14%-ға дейін қысқартылатын болады. Іскерлік ортаны одан әрі жетілдіру нәтижесінде Қазақстан әлемде бизнес жүргізудің неғұрлым қолайлы жағдайлары бар топ-20 елдің қатарына кіреді.

Сыртқы экономикалық саясатта инвестицияларды белсенді және таргеттелген тарту, сондай-ақ қазақстандық экспортты ілгерілету маңызды басымдыққа айналады.

Жаңа инвестициялық циклды қалыптастыру, сондай-ақ жаңа буынның қосылған құндарының жаһандық және өңірлік тізбектеріне кіру бойынша жұмыс жүргізілетін болады.

2025 жылға қарай негізгі капиталға салынған инвестициялар деңгейі ЖІӨ-ге қатысты 30%-ға дейін; тікелей шетелдік инвестициялар көлемі жылына $30 млрд-қа дейін өседі. Шикізаттық емес экспорт 2 есе $41 млрд дейін өседі.

Экономиканың сапалы өсуі салық-бюджет тұрақтылығын сақтау және тиімді монетарлық саясатты іске асыру, сондай-ақ бәсекелі және тиімді Қаржы нарығын дамыту есебінен қамтамасыз етілетін болады. Нәтижесінде инфляция деңгейі 3-4% - ға дейін төмендейді.

Теңгерімді аумақтық дамуды қамтамасыз ету мақсатында өңірлердің әлеуетін ашуға және бәсекеге қабілеттілігін нығайтуға бағытталған жаңа тәсілдер іске асырылатын болады. Еліміздің барлық тұрғындары сумен жабдықтау қызметтеріне қол жеткізе алады. Әрбір тірек ауылға дейінгі барлық республикалық және жергілікті жолдар қайта жаңартылып, жөнделетін болады. 103 млн. шаршы метр тұрғын үйді іске қосу және 3,5 мыңнан астам ауылды жаңғырту қамтамасыз етіледі.

Елдің ұлттық даму жоспарын іс жүзінде іске асыру нәтижесі 2025 жылға қарай экономиканың 5% - дан астам деңгейде орнықты және сапалы өсу траекториясына шығу болады.

Сатып алу қабілетінің паритеті бойынша ЖІӨ жан басына шаққанда $40 мыңға жетеді, еңбек өнімділігі өсуінің озыңқы қарқыны жылына 8% деңгейінде қамтамасыз етіледі. Қазақстан заң үстемдігі және мемлекеттік басқарудың тиімділігі деңгейі бойынша әлемнің топ-50 елінің, сондай-ақ цифрлық бәсекеге қабілеттілік рейтингінің озық 30 елінің қатарына кіреді. Негізгі оқу пәндері бойынша білім беру деңгейінде прогреске қол жеткізілетін болады.

Бұдан басқа, Ұлттық экономика министрлігі Стратегиялық жоспарлау және реформалар агенттігімен бірлесіп Негізгі көрсеткіштер картасын әзірлейтін болады. Ол жауапты мемлекеттік органдарды бекіте отырып, салалар, салалар, өңірлер бойынша декомпозицияланған көрсеткіштердің кеңейтілген тізбесін қамтитын болады.

Ұлттық даму жоспарын тиімді іске асыру үшін жобалық тәсіл қолданылатын болады. Бақылауды, болжауды, сценарийлік талдауды реформалар мониторингінің ұлттық талдау орталығы жүзеге асыратын болады. Жоспарды іске асырудың жедел мониторингі Ұлттық жобалық кеңсеге бекітілетін болады.

Мемлекеттік көрсетілетін қызметтер мен бизнес-процестерді цифрлық қамтамасыз етуді цифрлық трансформациялау орталығы жүзеге асыратын болады.

Бұдан басқа, жекешелендірудің жаңа жоспары жалпы сомасы 5 трлн теңге болатын 736 ұйымды, оның ішінде республикалық және коммуналдық меншіктегі 624 объектіні, сондай-ақ "Самұрық-Қазына" қорының 112 компаниясын сатуды көздейді.

Нәтижесінде шағын және орта бизнес жекешелендірілетін компаниялардың қызметтеріне кең қолжетімділік алады және тиімді әрі шағын квазимемлекеттік сектор қалыптастырылатын болады.

Жекешелендіру жоспарын сапалы және уақтылы орындау мақсатында іске асыру қағидаларын жетілдіру; Yellow Pages қағидаттарын одан әрі қолдануды және сенімгерлік басқару шарттарын түгендеуді қамтамасыз ете отырып, активтерді иеліктен шығаруды мониторингтеу және бақылау жөніндегі Жобалық офисті құру бойынша шаралар жүзеге асырылатын болады.

Тауар нарықтарындағы бәсекелестіктің жай-күйіне мониторинг жүргізу арқылы жекешелендіру жоспарын тұрақты өзектендіру қамтамасыз етіледі. IPO құралдарын барынша пайдалану мақсатында "Халықтық IPO" жаңа бағдарламасы қалыптастырылатын болады. Тұтастай алғанда, жекешелендіру процесінің транспаренттілігі мен әділдігі қамтамасыз етіледі.

• 09.02.2021
• 223