Балқашта кәріз желілері жөнделеді

Балқашқа жұмыс сапарымен бардым. Іске асырылып жатқан жобалармен таныстым. Биыл мұнда 6 км кәріз желілері ауыстырылады. Желілердің тозу көрсеткіші 80% - дан асады. Сонымен қатар біз сумен жабдықтау желілерін қайта құруды жалғастырып жатырмыз. Қазірдің өзінде 24 км құбыр жөнделді, биыл тағы 14 км құбыр ауыстырылады. Қазіргі уақытта төрт учаскеде жөндеу жұмыстары жүргізілуде.

Жылыту маусымы аяқталып, қалада келесі маусымға дайындық басталды. Магистральдық және орамішілік учаскелерді қоса алғанда, 25 км жылу желілері жөнделеді. Мұның бәрі қаладағы жылумен жабдықтау сапасын арттырады.

Жұмыс сапарымен келгенде қаланың жағалауында іске асырылып жатқан жөндеу жұмыстарын тексеруге баса назар аударамын. Өздеріңіз білетіндей, бұл инвесторлар мен туристерді аймаққа тарту үшін қажетті жұмыс жоспарының маңызды бөлігі. Жағалау қала тұрғындары мен қонақтар үшін тартымды аймаққа айналуы керек.

Сондай-ақ, мектеп пен бес тұрғын үй салынып жатқан құрылыс алаңдарын араладым. Мұнда жұмыстың сапасына ерекше назар аударылады. Мердігерлерге осы мәселені назарда ұстауларын тапсырдым. Жергілікті мемлекеттік органдар да жұмыстардың сапасын  қатаң бақылайтын болады. Мектеп ғимаратының құрылысын бірінші қыркүйекке дейін аяқтау жоспарлануда.

• 26.04.2024
• 187