Маңғыстау студенттері жасыл сутегі индустриясын дамыту үшін жаңа мамандықтар бойынша білім алып жатыр

26-27 сәуір күндері Ақтауда Сутегі энергетикасы бойынша халықаралық конференция өтіп жатыр. Конференцияны қазақ-неміс тұрақты инженерия институты (KINI), Ш.Есенов атындағы Каспий технологиялар және инжиниринг университеті (YU) және Қазақстан-Неміс университеті (DKU) ұйымдастырады. Бұл туралы Маңғыстау облысы әкімдігінің баспасөз қызметі хабарлайды.

Конференцияның бірінші күні "Aktau Dialogue Green Hydrogen" сессиясымен ашылды. Кездесуге қатысушылар соңғы уақытта сутегі энергетикасына көбірек барынша көп назарға ие болып келе жатқанын атап өтті: бүкіл әлем бойынша сутегі жобаларының саны көбейіп келеді.

Қазақстанда дәстүрлі энергия көздерінің үлкен қоры бар екеніне қарамастан, елімізде баламалы энергетиканы, оның ішінде сутекті энергетикасын дамыту маңызды деп атап өтті өңір басшысы Нұрлан Ноғаев.

Маңғыстауда "жасыл" сутегі 2032 жылы өндіріле бастайды. Қазір біздің өңірде "жасыл" сутекті өндіру бойынша жобаны іске асыруға дайындық жүріп жатыр. Еуропалық кеңес президенті Шарль Мишельдің өткен жылы Қазақстанға жасаған сапары аясында қол қойылған инвестициялық келісімдерге сай, алдын ала жобалау-іздестіру жұмыстары басталды. Жоба тұщыландыру зауытын, 40 гигаваттқа жаңартылатын энергия көздері (жел, күн) станциясын, сондай - ақ қуаты 20 гигаватт су электролизін орнатуды және пайдалануды көздейді, - деді сессия барысында Нұрлан Ноғаев.

Сутегі жобаларын ел ішінде де, одан тыс жерлерде де ілгерілету үшін осы салада білім беруді дамыту маңызды. 2023 жылдан бастап Маңғыстау студенттері жаңа мамандықтарды игеріп, заманауи индустрия талаптарына сәйкес сапалы білім алып келеді.

“Биыл оқу жылында біз екі жаңа білім беру бағдарламасын іске қостық: "Логистика" мен "Энергетика және экологиялық инжиниринг". Үш оқытушы Германияда 4 айдан 6 ай арасында энергетикалық, химиялық және басқа да бағыттар бойынша тағылымдамадан өтті, ал тағы екі оқытушы келесі оқу жылының қыркүйегінде ақпараттық технологиялар бағыты бойынша тағылымдамаға жіберіледі. Институт оқытушыларының көпшілігі шетелдік білімі бар немесе шетелдік оқу орындарында, соның ішінде АҚШ, Швейцария, Германия, Ұлыбританияда тағылымдамадан өткен. Сондай-ақ, біздің институттың әкімшілік қызметкерлерінің 80 пайызға жуығы шетелдік дипломдарға ие. Келесі оқу жылында біз бакалавриат бағдарламаларын кеңейтіп, тағы үш білім беру бағдарламасын қосуды жоспарлап отырмыз, олардың арасында “Мехатроника", "Өнеркәсіптік менеджмент" және "Технологиялық процестерді дамыту". Бес бағдарламаның әрқайсысына 30 студент қабылданады, барлығы 150 жаңа студент болады. 2024 жылдан бастап біз магистратураға "Өнеркәсіптік инжиниринг" және MBA бағыттары бойынша 30 студентті қабылдай бастаймыз. Магистратура бағдарламалары ағылшын тілінде, бір жыл Ақтауда және бір жыл Германияда жүзеге асырылады, - деді Ш.Есенов атындағы Каспий мемлекеттік технологиялар және инжиниринг университетінің ректоры Берік Ахметов.

• 29.04.2024
• 140