Қаржы министрлігі салықтық әкімшілендіруді түбегейлі оңайлату мен жеңілдету бойынша жұмысты белсенді түрде атқарып келеді.

Қаржы министрлігі салықтық әкімшілендіруді түбегейлі оңайлату мен жеңілдету бойынша жұмысты белсенді түрде атқарып келеді. Бұл міндеттерді Мемлекет басшысы  Үкіметтің кеңейтілген отырысында қойған болатын. 
Ең алдымен жеке тұлғалардың мүлкі мен жеріне салынатын салықтар біріктіріліп, бірыңғай төлеммен төленетін болады. Көп пәтерлі тұрғын үйлердің меншік иелері үшін жер салығы болмайды.
Халыққа арналған салық төлеудің ыңғайлы «Е-Salyq Azamat» мобильді қосымшасы әзірленді.
Қосымша онлайн салық төлеуге, артық төлемді болдырмауға және тағы басқа да жеңілдіктерге мүмкіндік береді.
Жеке кәсіпкерлер үшін «E-Salyq Business» қосымшасы әзірленуде.
Жеке кәсіпкерлерді тіркеу мен жабуды, салық есептілігін ұсынуды оңайлату, сондай-ақ комиссияны және фискалдық деректер операторларының қызметтеріне ақы төлеуді алып тастау қарастырылуда.
Осы қосымшалар салық төлеуші растай алатын немесе түзете алатын есептілікті автоматты түрде қалыптастырады.
Салықтық әкімшілендіруді жеңілдетуге және жұмсартуға бағытталған әрекеттер оң нәтиже береді деп сенемін.

• 09.02.2021
• 320