Құрметті шығыс қазақстандықтар! Сіздерді келе жатқан Жаңа жыл мерекесімен шын жүректен құттықтаймын!

Сіздерді келе жатқан Жаңа жыл мерекесімен шын жүректен құттықтаймын!

2017 жыл тәуелсіз еліміз үшін тағы бір тұғырлы жыл болды. Елімізде өткен халықаралық «ЭКСПО – 2017» көрмесі Қазақстанның әлемдік аренадағы асқақ абыройын тағы бір мәрте дәлелдеді. Еліміздің төрткүл дүниедегі мәртебесі артты. Бірегей «Рухани жаңғыру» бағдарламасы қабылданды.

Ең бастысы, Қазақстан халқы Елбасы Нұрсұлтан Әбішұлы Назарбаевтың басшылығымен жаңа биіктерді бағындырды.

Отанымыздың дамуына жерлестеріміздің қосқан үлесі мол. Жаңа кәсіпорындар салынып, мыңдаған жұмыс орындары ашылды. Тұрғын үйлер, әлеуметтік нысандар бой көтерді. Мұның барлығы ортақ істің оң нәтижесі!

Құрметті жерлестер!

2018 жыл еліміз үшін, Сіз бен Сіздің жақындарыңыз үшін табысты да тағылымды, бірлік пен татулыққа, сыйластық пен молшылыққа толы жыл болсын!

Шын жүректен зор денсаулық, баянды бақыт, жемісті еңбек тілеймін!

Жаңа жыл құтты болсын!

Құрметпен, Шығыс Қазақстан облысының әкімі Даниал АХМЕТОВ.

• 29.12.2017
• 6532