Қымбатты ардагерлер! Құрметті шығысқазақстандықтар!

Сіздерді еліміздің тарихындағы осы бір ерекше қастерлі күн – Жеңіс күні мерекесімен шын жүректен құттықтаймын!
Бұл – Отан қорғаудағы ерліктің, батылдық пен қайсарлықтың айтулы мерекесі.
Жеңіс күні баршамыз бейбіт өмір сыйлаған аға буынды ілтипатпен еске аламыз.

Қазірде арамызда 14 Ұлы отан соғысы және тыл ардагерлері жеңіс күнін атап өтуде. Кеше ғана қала-аудан әкімдері ардагерлерді құттықтап, құрмет көрсетті. Өскемендегі бірқатар ардагерлермен кездесіп, Мемлекет басшысы Қасым-Жомарт Кемелұлы Тоқаевтың құттықтауын жеткіздім. Жеңіс күніне орай әр Ұлы отан соғысы ардагеріне бір жарым миллион теңге табысталды.

Қадірлі ағайын!
Біздің қасиетті борышымыз – батырлар мен еңбек ардагерлерінің істерін құрметпен еске алып, жас ұрпаққа жеткізе білуіміз қажет
Ардагерлерге қамқорлық жасау – бүкіл қоғамның басты міндеті.
Бүгінгі мерекеде баршаңызға зор денсаулық, амандық және бейбіт өмір тілеймін!

Жеңіс күні құтты болсын!

• 09.05.2024
• 217